بۇۇ باس حاتشىسىنىڭ وكىلى ستەفان ديۋجارريك تاراتقان مالىمەت بويىنشا, جەكسەنبى كۇنى بۇۇ ءوزىنىڭ 120 قىزمەتكەرى مەن ۇكىمەتتىك ەمەس ۇيىمدار وكىلدەرىن اۋعانستاننان قازاقستانعا ەۆاكۋاتسيالادى, دەپ حابارلايدى Egemen.kz.
بۇل تۋرالى تاسس اگەنتتىگى مالىمدەدى.
«بۇۇ 22 تامىز كۇنى اۋعانستاننىڭ استاناسىنان 120 ادامدى الماتىعا جەتكىزدى, بۇل سوڭعى اپتاداعى وسىنداي ەكىنشى اۋە رەيسى. جولاۋشىلار قاتارىندا بۇۇ قىزمەتكەرلەرى مەن اۋعانستانداعى بۇۇ-نىڭ ارىپتەستەرى سانالاتىن بىرنەشە ۇكىمەتتىك ەمەس ۇيىم مۇشەلەرى بار», دەلىنگەن حابارلامادا.
وتكەن اپتادا بۇۇ-نىڭ جۇزگە جۋىق قىزمەتكەرى كابۋلدان الماتىعا قاشىقتان جۇمىس ىستەۋدى جالعاستىرۋ ءۇشىن جەتكىزىلدى. «تاليبان» راديكالدى قوزعالىسىنىڭ شەشۋشى شابۋىلىنىڭ الدىندا اۋعانستانداعى بۇۇ-نىڭ ءتۇرلى ميسسياسىندا جەرگىلىكتى حالىق اراسىنان 3 مىڭ ادام جانە 700-دەن استام شەتەلدىك جۇمىس ىستەگەن.
«تاليبان» راديكالدى قوزعالىسىنىڭ جاۋىنگەرلەرى 15 تامىز كۇنى شايقاسسىز كابۋلعا كىرىپ, بىرنەشە ساعاتتىڭ ىشىندە اۋعان استاناسىندا تولىق بيلىگىن ورناتتى.