اقمولا وبلىسىندا 624 رۇقسات ەتىلمەگەن قوقىس تاستاۋ ورنى انىقتالدى, دەپ جازادى Egemen.kz.
قازىرگى ۋاقىتتا وبلىس اۋماعىندا قاتتى تۇرمىستىق قالدىقتاردىڭ (قتق) 130 ورنى, ونىڭ ىشىندە قولدانىستاعى زاڭناماعا سايكەس كەلەتىن رۇقسات ەتۋ قۇجاتتارى بار 24 پوليگون تىركەلگەن.
10 اۋداندا بىردە-ءبىر زاڭداستىرىلعان پوليگون جوق. بۇل رۇقسات ەتىلمەگەن قوقىس ورىندارىنىڭ قالىپتاسۋىنا اكەپ سوعادى.
2021 جىلى جۇرگىزىلگەن جۇمىس ناتيجەلەرى بويىنشا عارىشتان تۇسىرىلگەن سۋرەتتەر نەگىزىندە اقمولا وبلىسىندا 624 رۇقسات ەتىلمەگەن قوقىس ورنى انىقتالدى. ونىڭ ىشىندە 364-ءى جويىلدى, بۇل پايىزدىق كورسەتكىشپەن ەسەپتەگەندە - 58%.
بۇدان بولەك وبلىستا وندىرىستىك جانە تۇرمىستىق قالدىقتاردى سۇرىپتاۋ جانە قايتا وڭدەۋ جونىندەگى ينفراقۇرىلىم ناشار دامىعان.
بۇل وڭىردەگى قاتتى تۇرمىستىق قالدىقتاردى جەكەلەپ جيناۋمەن اينالىساتىن 4 كاسىپورىن بار. اقمولا وبلىسى بويىنشا 2020 جىلى قتق قالىپتاسۋ كولەمى 243 مىڭ توننانى قۇرادى, 2021 جىلدىڭ 6 ايىندا 124 تىڭ تونناسى جينالدى. بۇل رەتتە قايتا وڭدەۋ ۇلەسى بار بولعانى 3%-دى قۇرايدى.