نۇر-سۇلتاندا قانداي ۆاكتسينالار قول جەتىمدى؟

قالا تۇرعىندارى قازاقستاندىق QazVac, قىتايلىق Sinopharm فارمكومپلەكسىنىڭ Vero Cell جانە رەسەيلىك «سپۋتنيك V» ۆاكتسينالارىن الا الادى. 

ەلوردادا بۇگىندە تاڭعى 8-دەن كەشكى 10-عا دەيىن جۇمىس ىستەيتىن 100-گە جۋىق ەگۋ پۋنكتى بار. حالىقتى كوروناۆيرۋسقا قارسى ەگۋ قالانىڭ العاشقى مەديتسينالىق-سانيتارلىق كومەك كورسەتۋ مەكەمەلەرىندە, سونداي-اق ساۋدا ويىن-ساۋىق ورتالىقتارىندا جانە ساۋدا ۇيلەرىندە جۇرگىزىلەدى. ولاردىڭ قاتارىندا «Mega Silk Way», «Keruen», «حان شاتىر», «ابۋ دابي پلازا», «ازيا پارك», «سارىارقا», «ەۋرازيا» ساۋدا ويىن-ساۋىق ورتالىقتارى مەن «مەچتا» ساۋدا ءۇيى بار.

ەگۋ پۋنكتتەرىندە بارلىق ۆاكتسينا جەتكىلىكتى مولشەردە بار.

سونىمەن قاتار ەلوردالىق دەنساۋلىق ساقتاۋ باسقارماسى ازاماتتارعا ەكپەنىڭ ەكى كەزەڭىن دە ءبىر پۋنكتە وتۋگە كەڭەس بەردى.