ماقات اۋدانىندا ۆەلوسيپەدپەن كەلە جاتقان 9 جاسار بالانى كولىك قاعىپ كەتتى, دەپ حابارلايدى Egemen.kz.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, جول-كولىك وقيعاسى ماقات اۋدانىندا بولعان.
«ماقات اۋداندىق پوليتسيا بولىمىنە 12 تامىزدا ساعات 19:00-دە ماقات كەنتىندە ۆەلوسيپەدپەن كەلە جاتقان بالانى كولىك قاققانى حابارلانعان. ءجاسوسپرىمدى «تoۋota SIENNA» اۆتوكولىگىمەن قاعىپ كەتكەن 53 جاستاعى ازامات انىقتالدى. وقيعا ورنىندا 2012 جىلى تۋعان بالا ەسىن جيماستان قايتىس بولعان. جول-كولىك وقيعاسىنا كىنالى جۇرگىزۋشى ۇستالىپ, ۋاقىتشا ۇستاۋ يزولياتورىنا قاماۋعا الىندى», دەپ مالىمدەدى وبلىستىق پوليتسيا دەپارتامەنتىنىڭ باسپاسوز قىزمەتىنەن.
قازىر اتالعان دەرەككە قاتىستى قر قىلمىستىق كودەكسىنىڭ 345-بابىنىڭ 3-بولىگىمەن سوتقا دەيىنگى تەرگەۋ باستالدى.