ستاتيستيكالىق مالىمەتكە سايكەس, 2021 جىلدىڭ قاڭتارىنان شىلدەسىنە دەيىن قازاقستاندا 7,2 مىڭ جول-كولىك وقيعاسى بولعان. بۇل ءبىر جىل بۇرىنعى كورسەتكىشتەن 14,5 پايىزعا كوپ. ەلىمىزدە بولعان 10 جول-كولىك وقيعاسىنىڭ 3-ەۋى الماتىدا تىركەلەدى, دەپ حابارلايدى Egemen.kz.
بۇل تۋرالى rating.kz سايتى مالىمدەدى. جولدارداعى اپات سانى بويىنشا الماتى وڭىرلەر اراسىندا كوش باستاپ تۇر. وندا ەكى مىڭ جول اپاتى بولعان. قالادا جازاتايىم وقيعالار سانى بىلتىرعىمەن سالىستىرعاندا 35,9 پايىزعا ارتقان. جول-كولىك وقيعالارىنىڭ سانى بويىنشا انتي-كوشباسشىلار قاتارىندا الماتى وبلىسى (1,3 مىڭ جول-كولىك وقيعاسى, 26,5 پايىزعا ارتقان) جانە جامبىل وبلىسى (576 اپات, 10,8 پايىزعا ارتقان) بار.
جول-كولىك وقيعاسى ەڭ از تىركەلگەن سولتۇستىك قازاقستان وبلىسى - 97 وقيعا.
2021 جىلدىڭ قاڭتارىنان شىلدەسىنە دەيىن قازاقستاندا 10,6 مىڭ ادام جازاتايىم وقيعادان زارداپ شەكتى (جىلىنا 16 پايىزعا ارتقان). جارالانعاندار سانى 2020 جىلدىڭ ءبىرىنشى جارتىجىلدىعىمەن سالىستىرعاندا 15,8 پايىزعا, 9,5 مىڭ ادامعا دەيىن كوبەيدى.
جول-كولىك وقيعاسىنان قازا بولعاندار سانى بىلتىرعامەن سالىستىرعاندا بىردەن 17,6 پايىزعا ءوسىپ, مىڭ ادامنان اسقان. 733 ەر ادام, 284 ايەل, 89 كامەلەتكە تولماعاندار بار.
جول اپاتىنان زارداپ شەككەندەر سانى بويىنشا: الماتى (2,4 مىڭ ادام) الدىڭعى ورىندا, كەيىن الماتى وبلىسى (2,1 مىڭ ادام) جانە جامبىل وبلىسى (966 ادام).