«قايرات» فۋتبول كلۋبىنىڭ باس باپكەرى كيريلل كەكەر ەۋروپا ليگاسى ءۇشىنشى ىرىكتەۋ كەزەڭىندەگى «الاشكەرتكە» قارسى قارىمتا كەزدەسۋدى قورىتىندىلادى, دەپ حابارلايدى Egemen.kz.
ەرەۆانداعى كەزدەسۋدىڭ نەگىزگى ۋاقىتى تەڭ اياقتالدى - 2:2, ال قوسىمشا ۋاقىتتا الاڭ يەلەرى جەڭىستى ج ۇلىپ اكەتتى - 3:2. «قايرات» ساپىنان دەنيس پولياكوۆ پەن ايبول ابىكەن الاڭنان قۋىلىپ, الماتىلىقتار ءماتچتى توعىز ويىنشىمەن اياقتادى. ءبىرىنشى ماتچتە 0:0 ەسەبى تىركەلگەن بولاتىن.
«وكىنىشكە قاراي, ءبىز وزىمىزگە قولايلى ناتيجەگە قول جەتكىزە المادىق. وسىعان بايلانىستى مەن باس باپكەر قىزمەتىنەن كەتۋگە شەشىم شىعاردىم. كلۋبقا ماعان سەنىپ ارتىپ, نەگىزگى قۇرامنىڭ باس باپكەرى رەتىندە جۇمىس ىستەۋ مۇمكىندىگى ءۇشىن العىس ايتامىن», دەپ كەلتىردى كەكەردىڭ ءسوزىن كلۋبتىڭ ءباسپاسوز قىزمەتى.ەندى باس باپكەر مىندەتىن ارتەم گاۆريلەنكو اتقارادى.
ايتا كەتەيىك, ەۋروكۋبوك الماتىلىق كلۋب ءۇشىن بىتكەن جوق - ەندى ولار كونفەرەنتسيا ليگاسىنىڭ پلەي-وفف كەزەڭىندە وينايدى.