گيپپوكراتتىڭ انتىنا ادالدىق دەگەن وسى دا. جازدىڭ باسىندا وسكەمەندەگى وۆ 156/1 فەلدشەرى ولەسيا الەكساندروۆنا سوتتالعان ن ەسىمدى ازاماتشانى الماتى قالاسىنداعى جازاسىن وتەۋ ورنىنا ەرتىپ اپارىسقان, دەپ حابارلايدى Egemen.kz.
جەتكەن سوڭ ازاماتشانى الماتىداعى تەرگەۋ يزولياتورىنا ورنالاستىرىپ, ورتالىققا قاراي بەت العانى سول, كوشەنىڭ ءبىر شەتىنەن كومەك سۇراپ ايعايلاعان داۋىستى ەستيدى.
داۋىس شىققان جاققا جەتسە, ءوتىپ بارا جاتقان ادامدار ەس-ءتۇسسىز جاتقان جاس ايەلدى كورىپ, كومەككە شاقىرعان ەكەن. تاجىريبەلى مەديتسينا قىزمەتكەرى ولەسيا ايەلدىڭ ەپيلەپسيامەن اۋىراتىنىن بىردەن تۇسىنگەن. دەرەۋ ورىندىققا جاتقىزىپ, ءتىلى تايىپ كەتپەۋى ءۇشىن باسىن قىرىنداتقان. ەپيلەپسيا ۇستاماسى ۇزاققا سوزىلعان. وسكەمەندىك فەلدشەر كوپشىلىكتىڭ كومەگىمەن ايەلدى جاراقاتتانىپ قالۋدان قورعاپ قالعان. تەرگەۋ يزولياتورىنىڭ ماڭايىندا ۇيالى بايلانىس ۇستامايتىندىقتان جەدەل جاردەم شاقىرۋ دا قيىنعا سوققان. تەك 15-20 مينۋتتان كەيىن عانا قۇرىسۋلارى ازايىپ, ايەل ەسىنەن تانىپ قالعان. ولەسيا بولسا, قولدان كەلگەن كومەگىن كورسەتىپ, ايەلدى ءوز-وزىنە كەلتىرگەن.
كەان بەلگىلى بولعانداي ناۋقاس سوناۋ تارازدان تەرگەۋ يزولياتورىندا وتىرعان كۇيەۋىنە كەلگەن ەكەن. ءوزى بەس جىلدان بەرى ەپيلەپسياعا شالدىققان. ۋايىم كوبەيگەن سايىن, اۋرۋى دا اسقىنا بەرگەن. ەكەۋى اڭگىمەلەسىپ وتىرعان ساتتە ەپيلەپسيا ۇستاماسى تاعى قايتالاعان. بىراق فەلدشەر دەرەۋ بەتىن قايتارعان.
وزگە قالادان كەلگەن ايەلدىڭ جاعدايىن بايقاعان ولەسيا ماسەلەلەرىن شەشىپ بەرۋگە كومەك قولىن سوزىپ, جەدەل جاردەم شاقىرتقان. اۋرۋحانادا قۇرىسىپ-تىرىسۋعا قارسى پرەپاراتتار ەگىپ, ەسىن ابدەن جيعىزعان. الايدا, ول اۋرۋحاناعا جاتۋدان باس تارتقان. سەبەبى اۋىلىنا ورالۋى كەرەك ەدى. تارازدىق ايەل ولەسياعا العىسىن جاۋدىردى.