گەرمانيانىڭ براندەبۋرگ جەرىندەگى ا13 فەدەرالدى تاس جولىندا ۇلكەن اپات بولدى. 17 جولاۋشى مەن ەكى اۆتوبۋس جۇرگىزۋشىسى زارداپ شەكتى, دەپ حابارلايدى Egemen.kz.
وقيعا 30 شىلدەدە بولعان. تاڭەرتەڭگى ساعات 10-دا اۆتوبۋس درەزدەننەن بەرلين باعىتىنا قاراي بەت العان. قانداي دا ءبىر سەبەپتەرمەن جۇرگىزۋشى جول جيەگىنە بۇرىلادى, بىراق ول تىم بيىك بولعان. سالدارىنان كولىك اۆتوباننان شىعىپ, ءبىر جاعىمەن قۇلايدى.
نەمىس قۇتقارۋ قىزمەتتەرى اۋقىمدى قۇتقارۋ وپەراتسياسىن باستايدى. Der Tagesspiegel گازەتىنىڭ حابارلاۋىنشا, اپات ورنىنا بىردەن 67 جەدەل قىزمەت كولىگى جانە ءتىپتى 6 تىكۇشاق جىبەرىلگەن.تەحنيكا مەن قۇتقارۋشىلاردىڭ كوپتەپ جينالۋىنا بايلانىستى ا13 تاس جولى ەكى باعىتتا دا شامامەن 3 ساعاتقا جابىلدى.
ادامدار امان قالعان. تەك 10 تۋريست جەڭىل جاراقات, تاعى 9 ادام اۋىر جاراقات الدى. جەدەل جاردەم كولىكتەرىمەن بەرلين اۋرۋحانالارىنا جەتكىزىلدى. تۋريستەردىڭ ءبىرى وتە اۋىر جاراقات الدى جانە اۋىر جاعدايدا جاتىر.