وبلىستىق توتەنشە جاعدايلار دەپارتامەنتى ءباسپاسوز قىزمەتى تاراتقان اقپاراتقا سۇيەنسەك, «ارداگەر» تۇرعىن ءۇي كەشەنىندە ليفت كابيناسى 15-قاباتتان قۇلاعان, دەپ جازادى Egemen.kz.
«سول كەزدە «ليفت ينۆەست» جشس-ءنىڭ ەكى قىزمەتكەرى ليفتىدە جوندەۋ جۇرگىزىپ جاتقانى انىقتالدى. ونىڭ ءبىرى – 1981 جىلى تۋعان ازامات وقيعا ورنىندا كوز جۇمدى. ال ەكىنشىسى –1987 جىلعى جىگىت اۋىر حالدە اۋرۋحاناعا جەتكىزىلدى. ەكەۋى دە الماتى وبلىسىنىڭ تۇرعىنى», دەپ حابارلادى دەپارتامەنتتىڭ ءباسپاسوز قىزمەتى.
وقيعا ورنىندا توتەنشەلىكتەردىڭ 3 قىزمەتكەرى مەن 1 تەحنيكاسى, پوليتسيا دەپارتامەنتىنىڭ 3 قىزمەتكەرى, 1 تەحنيكاسى جۇمىلدىرىلدى.