جىلاعاننان نە پايدا؟!.

كەشەگى وليمپيادا كۇنى بوكس­­شىلارىمىز ءۇشىن ءساتتى باس­­تالدى دەۋ قيىن. بۇعان دەيىن اسا اۋىر سالماق دارە­جە­سىندە جۇدىرىقتاسقان قام­شىبەك قوڭقاباەۆ جارتىلاي فينالعا جولداما ال­عانى بەلگىلى. ەندى مەدال الا­تىنداردىڭ قاتارىنا تەك ساكەن بيبوسىنوۆ قانا قو­سىل­دى. ال زاكىر سافيۋللين ءوز مۇمكىندىگىن جىبەرىپ الدى. ريو وليمپياداسىندا ءۇش التىن مەدال جەڭىپ العان وز­بەكس­تان قۇراماسىنىڭ جارتىلاي فينالدا ءبىر عانا بوكس­شىسى قالعانىن ەسكەرسەك, قا­­زاقستاندىقتاردىڭ جەتكەن جە­تىس­تىگى قاناعاتتانارلىق دەۋ­گە بولادى.

52 كيلودا باق سىناعان سا­كەن بيبوسىنوۆ شيرەك فينالدا يسپانيالىق گابريەل ەسكو­بارمەن كەزدەسىپ, وتە تارتىستى وتكەن جەكپە-جەكتە 3:2 ەسە­بىمەن جەڭىستى ج ۇلىپ ال­دى. ال 63 كيلوعا دەيىنگى سال­ماقتا قازاقستان نامىسىن قور­عاعان زاكىر ءسافيۋلليننىڭ جولى بول­مادى. زاكىر 1/4 فينال­دا اۋستراليالىق گارري گارسايدپەن جۇ­دىرىقتاسىپ, 2:3 ەسەبىمەن جەڭىلدى. كەزدەسۋدەن كەيىن جەر­لەسىمىز رينگتى بوساتپاي, ءتىپتى قىزىل بۇرىشتى رۇقسات ەتىل­مەگەن ادىسپەن تەۋىپ تە جىبەردى. زاكىردى جۋرناليستەر قاۋىمى بىرەر سوزگە تارتپاق بولىپ ەدىك, ول كوز جاسىنا ەرىك بەرىپ كەتە باردى. الايدا جىلاعاننان نە پايدا؟! بارلىق كۇش-جىگەرىن رينگتە جەكپە-جەكتە كورسەتۋ كەرەك ەدى...

بۇل دودادا گرەك-ريم شە­بەرلەرى دە سەنىمدى اقتامادى. قا­زاقستان قۇراماسى ءۇشىن توكيو وليمپياداسى ءساتسىز اياق­­تالدى. كەشە ەل نامىسىن قورعاعان نۇرسۇلتان تۇرسىنوۆ 87 كيلو سالماق دارەجەسىندە بەلدەستى. گەرمانيالىق دەنيس كۋد­لامەن وتكەن بەلدەسۋ 4:1 ەسەبىمەن نەمىس سپورتشىسىنىڭ پايداسىنا شەشىلدى. بەلدەسۋ اياقتالعاننان كەيىن باس باپكەر باقتيار بايسەيىتوۆ بۇل جولى دا تورەشىلەر شەشىمىمەن كەلىسپەيتىنىن جەتكىزدى.

ەرلەر اراسىندا 1000 مەتر قاشىقتىق بويىنشا ۆ فينالىندا سىنعا تۇسكەن سەرگەي مەن تيموفەي ەمەليانوۆتار ءتيىستى قاشىقتىقتى 3:32.873 ۋاقىتتا باعىندىرىپ, ءوز توبىندا ءتورتىنشى بولدى. ءدال وسىنداي كورسەتكىشپەن اعايىندى ەمەليانوۆتار جارىستى جالپى قورىتىندى بويىنشا 12-ورىنمەن اياقتادى.

كوپتىڭ ءۇمىتى بولعان گيمناست ميلاد كاريمي گيمناستيكالىق كەرمە سناريادىندا سىنعا تۇسكەن بولاتىن. ىرىكتەۋ كەزەڭى ميلاد ءۇشىن جاپ-جاقسى باستالىپ ەدى. اتالعان جاتتىعۋ بويىنشا ول ەكىنشى ورىندا تۇردى. قۋانىپ تا قالىپ ەدىك. قازاقستاندىق سپورتشىنىڭ باعدارلاماسى ەڭ قيىن باعدارلامالار قاتارىنا كىرگەندىكتەن, ونى جاساۋ ەكىنىڭ ءبىرىنىڭ قولىنان كەلە بەرمەيدى. سونداي ۇلكەن تاۋەكەلگە بارعان ميلاد كەلەسى جاتتىعۋدى ورىنداۋ بارىسىندا ەكى رەت قۇلاپ, ۇپايى تومەندەي بەردى. ول 11,266 ۇپايمەن سەگىزىنشى ورىندى قا­ناعات تۇتتى. گيمناستيكالىق كەرمەدەگى جاتتىعۋدا جاپو­نيا­لىق دايكو حاسيميتو (15,066) چەمپيون اتانسا, ەكىنشى ورىندى حورۆاتيالىق تينو سربيچ (14,900) يەلەندى, ۇزدىك ۇشتىكتى رەسەيلىك نيكيتا ناگورنىي (14,533) تۇ­يىندەدى.

سونىمەن قاتار ارتىس­تىك جۇ­زۋدەن قازاقستان كومان­دا­سىنىڭ مۇشەلەرى ەكاتە­رينا جانە الەك­ساندرا نە­ميچ وليمپيا ويىندارىن اياقتادى. تەحنيكالىق باع­دارلاما قورىتىندىسى بو­يىن­شا 83,2338 ۇپاي جيناعان اعايىندى نەميچتەر قوسسايىس ناتي­جەسىمەن (167,1005 ۇپاي) 16-ورىنعا تۇراقتادى.

سپورتتىق قۇزعا ورمەلەۋدەن العاشقى ىرىكتەۋ سىنىنا قا­تىسقان ريشات حايبۋلين قوس­سايىس ناتيجەسى بويىنشا 11-ورىن­نان كورىندى.