قازاقستاننىڭ اۋىر اتلەتيكا فەدەراتسياسى توكيو-2020 وليمپيادا ويىندارىنىڭ جۇلدەگەرلەرى يگور سون مەن زۋلفيا چينشانلوعا جاڭا كولىكتەر سىيلايتىن بولادى, دەپ حابارلايدى Egemen.kz فەدەراتسيانىڭ رەسمي سايتىنا سىلتەمە جاساپ.
«قازاقستاننىڭ اۋىر اتلەتيكا فەدەراتسياسى توكيو وليمپياداسىنىڭ قولا جۇلدەگەرلەرى يگور سون مەن زۋلفيا چينشانلونى Toyota Camry جاڭا اۆتوموبيلدەرىمەن ماراپاتتاسا, سپورتشىلاردىڭ جەكە جاتتىقتىرۋشىلارى مەن قۇرامانىڭ باس باپكەرى اقشالاي سىياقى الادى. سپورتشىلارعا اۆتوكولىك كىلتىن قر فتا پرەزيدەنتى جانات تۇسىپبەكوۆ جاقىن ارادا نۇر-سۇلتان قالاسىندا تابىستايتىن بولادى», دەپ مالىمدەدى قر فتا ءباسپاسوز قىزمەتى.
توكيودا وتكەن وليمپيادا ويىندارىندا يگور سون 61 كەلىگە دەيىنگى ساناتتا قولا جۇلدەنى جەڭىپ السا, زۋلفيا چينشانلو 55 كەلىگە دەيىنگى ساناتتا ءۇشىنشى ورىندى يەلەندى.
28 شىلدەنىڭ كەشىندە سپورتشىلار ەلگە ورالىپ, ولاردى الماتى اۋەجايىندا جانكۇيەرلەرى مەن جاقىندارى سالتاناتتى تۇردە قارسى الدى. سالتاناتتى شاراعا اۋىر اتلەتيكا فەدەراتسياسى مەن الماتى وبلىسى اكىمدىگى, باق وكىلدەرى قاتىستى.