قر ۇەم ستاتيستيكا كوميتەتىنىڭ مالىمەتتەرىنە سايكەس, وتكەن جىلدىڭ ىشىندە 13 515 جول-كولىك وقيعاسى بولعان. جول اپاتى كۇزدە ءجيى بولادى, جازدا جانە قىستا - سيرەك. ال كوكتەم ايلارىندا از تىركەلگەن. بۇل تۋرالى Freedom Finance Insurance ساقتاندىرۋ كومپانياسى جازدى, دەپ حابارلايدى Egemen.kz.
ستاتسيتكاعا سۇيەنسەك, كۇز ايلارىندا جول اپاتى ءجيى تىركەلەدى. جالپى تىركەلگەن اپاتتىڭ 31,4%-ى وسى مەزگىلگە ءتان. ال جازدا - 26,7%, قىستا - 24,4%, كوكتەمدە جول-كولىك وقيعاسىنىڭ 17,5%-ى بولعان.
بىلتىر ەڭ اپاتتى اي بولىپ قىركۇيەك سانالعان. 1471 جول-كولىك وقيعاسى وسى ايدا تىركەلگەن. بۇل 2020 جىلعى بولعان بارلىق جول اپاتىنىڭ 11%-ى.
ەڭ از جكو ساۋىردە تىركەلگەن – 442 وقيعا (بىلتىر بولعان بارلىق اپاتتاردىڭ 3% قۇرايدى).
ستاتيستيكا بويىنشا, اپتانىڭ ەڭ قاۋىپتى كۇنى - دۇيسەنبى. بۇل كۇنى 2008 جول اپاتى تىركەلگەن. بۇل بارلىق جكو-نىڭ 15%-ىن قۇرايدى.