پاۆلوداردا جول اپاتىنان ءبىر كىسى قازا تاپتى

وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, 16 شىلدە كۇنى ساعات 01.25-تە پاۆلودار اۋىلىنىڭ جانىندا «لادا ۆەستا» ماركالى اۆتوكولىگى «ۋاز» ماركالى اۆتوكولىگىمەن سوقتىعىسقان.

-   جول-كولىك وقيعاسى سالدارىنان «ۋاز» اۆتوكولىگىنىڭ 31 جاستاعى جولاۋشىسى العان جاراقاتىنان وقيعا ورنىندا كوز جۇمدى. جۇرگىزۋشى جاراقات الىپ, پاۆلودار قالاسىنىڭ اۋرۋحاناسىنا جاتقىزىلدى. اۆتوكولىكتەر ايىپ تۇراعىنا قويىلدى, - دەدى دەپارتامەنت وكىلدەرى.

اتالمىش فاكتىگە قاتىستى تەكسەرۋ جۇرگىزىلۋدە.

وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى ومبى تاس جولىندا جول اپاتىنان زارداپ شەككەن ءۇش ادام تۋرالى حابارلادى. ولاردىڭ ءبىرى - 1991 جىلى تۋعان ەر ادام نەيروحيرۋرگيالىق بولىمشەگە جاتقىزىلعان.

- ەر ادامدا اشىق باس سۇيەك-مي جاراقاتى, ميدىڭ كونتۋزياسى جانە توبە جەلكە سۇيەگىنىڭ سىنۋى تىركەلدى, - دەپ ناقتىلادى وبلىستىق دەنساۋلىق ساقتاۋ باسقارماسىنداعىلار.

1996 جانە 1994 جىلى تۋعان زارداپ شەككەن ەكى ەر ادامعا مەديتسينالىق كومەك كورسەتىلىپ, ۇيلەرىنە امبۋلاتوريالىق باقىلاۋعا جىبەرىلدى.