ەلدىڭ باتىسىندا جاۋعان نوسەر جاۋىن وسىنشاما جاننىڭ ءومىرىن قيعان. بۇعان قوسا ونداعان ادام ءىس-ءتۇزسىز جوعالدى, دەپ جازادى Egemen.kz. بۇل تۋرالى 24.kz تەلەارناسى حابارلادى.
ارۆايلەر اۋدانىندا التى ءۇي قيراپ, تاعى بىرنەشە عيمارات قۇلاۋعا جاقىن, دەپ حابارلادى فەدەرالدى پوليتسيانىڭ رەسمي وكىلى. قازىر بۇل ايماقتا توتەنشە جاعداي جاريالاندى. جەرگىلىكتى بۇقارالىق اقپارات قۇرالدارىنىڭ مالىمەتتەرىنە سۇيەنسەك, رەين وزەنى مەن ونىڭ تارماقتارىنىڭ بويىندا ورنالاسقان كوپتەگەن قالانى سۋ شايىپ كەتكەن. تاسقىن سۋدىڭ قۇرساۋىندا قالعان حالىق قۇتقارۋشىلاردى ۇيلەردىڭ شاتىرىندا كۇتۋگە ءماجبۇر. ادامداردى اپاتتان امان الىپ قالۋ ءۇشىن تىكۇشاقتار جۇمىلدىرىلدى.
- بۇل ايماقتا مۇنداي اپات ەشقاشان بولعان ەمەس. تابيعاتتىڭ كۇشىنە ايتار ءسوزىمىز جوق. جانىمىزعا باتاتىنى, اپات ادامداردىڭ ءومىرىن قيىپ جاتىر. قازا تاپقانداردىڭ تۋعان-تۋىستارىنا كوڭىل ايتامىن. تاعى قانشاما تۇرعىن ءىز-ءتۇسسىز جوعالىپ كەتكەن, - دەيدى رەينلاند-پفالتس ايماعىنىڭ باسشىسى مالۋ درايەر.