كوشى-قون قىزمەتى ورگاندارى ۇسىنعان مالىمەتتەردى وڭدەۋ ناتيجەسىندە, 2021 جىلعى قاڭتار-مامىردا ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى 3662 ادامدى, ەلىمىزدەن كەتكەندەردىڭ سانى 9862 ادامدى قۇرادى, دەپ حابارلايدى Egemen.kz.
«كوشى-قوننىڭ سالدوسى - 6 200 ادامدى قۇرايدى», دەلىنگەن ۇلتتىق ستاتيستيكا بيۋروسىنىڭ حابارلاماسىندا.
ەلىمىزدەگى نەگىزگى كوشى-قون الماسۋى تمد مەملەكەتتەرى اراسىندا ورىن الاتىنى باسا ايتىلادى.
تمد ەلدەرىنەن كەلگەندەردىڭ جانە سول ەلدەرگە كەتكەندەردىڭ كوشىپ-قونۋشىلاردىڭ جالپى سانىنان ۇلەسى 84,3% جانە 82,1% قۇرادى.
ەل ىشىندە قونىس اۋداراتىن كوشىپ-قونۋشىلار سانى 23,5%-عا ارتتى. وڭىرارالىق قونىس اۋدارۋ بويىنشا حالىق كوشى-قونىنىڭ وڭ ايىرىمى ەلىمىزدىڭ 4 وڭىرىندە بايقالدى: الماتى (11647 ادام), نۇر-سۇلتان (8920 ادام), شىمكەنت (7342 ادام), قالالارىندا جانە ماڭعىستاۋ وبلىسىندا (327 ادام).