الماتى ماڭىندا ەكى كولىك سوقتىعىسىپ, ەكى ادام كوز جۇمدى, دەپ حابارلايدى Egemen.kz.
الماتى وبلىسى پوليتسيا دەپارتامەنتىنىڭ ءباسپاسوز قىزمەتىنىڭ مالىمەتىنشە, اپات 6 شىلدە كۇنى ساعات 00:10 شاماسىندا بولعان. الماتى-جاندوسوۆ-بەسمويناق تاس جولىنىڭ شىعىس باعىتىندا «Toyota Land Cruiser» اۆتوكولىگىنىڭ 18 جاستاعى جۇرگىزۋشىسى رۋلگە يە بولا الماي, قارسى جولاققا شىعىپ كەتىپ, «تoyota Avensis» كولىگىمەن سوقتىعىسقان.
«اپات سالدارىنان «Toyota Avensis» اۆتوكولىگىنىڭ جۇرگىزۋشىسى مەن ونىڭ 26 جاستاعى جولاۋشىسى العان جاراقاتتارىنان سول جەردە كوز جۇمدى. ال «Toyota Land Cruiser» كولىگىنىڭ 18 جاستاعى جۇرگىزۋشىسىنە قاتىستى قىلمىستىق ءىس قوزعالدى. بارلىق قاجەتتى ساراپتامالار تاعايىندالدى», دەپ حابارلادى پوليتسيادان.