وستين سكوتت ميللەر 2018 جىلدىڭ تامىز ايىنان باستاپ امەريكالىق ميسسيانى ورىنداپ كەلگەن, دەپ جازادى Egemen.kz.
اۋعانستانداعى اقش پەن ناتو كۇشتەرىنىڭ قولباسشىسى گەنەرال-لەيتەنانت وستين سكوتت ميللەر دۇيسەنبى كۇنى قىزمەتىنەن كەتەدى, دەپ حابارلايدى NBC تەلەارناسى اقش قورعانىس مينيسترلىگىنىڭ وكىلدەرىنە سىلتەمە جاساپ.
حابارلامادا ميللەر اۋعانستانداعى اقش كۇشتەرىن وزىنەن بۇرىنعىلارعا قاراعاندا ۇزاق ۋاقىت باسقارعانى اتالعان. قورعانىس سالاسىنىڭ ءۇش بىردەي شەنەۋنىگىنىڭ سوزىنشە, ول قىزمەتىن اياقتاعان سوڭ وتستاۆكاعا كەتۋى مۇمكىن.
بۇعان دەيىن پەنتاگوننىڭ وكىلى دجون كيربي اۋعانستانداعى اسكەري كونتينگەنت اقش ورتالىق قولباسشىلىعىنىڭ باسشىسى گەنەرال كەننەت ماككەنزيدىڭ باقىلاۋىنا ءوتىپ جاتىر, وكىلەتتىكتەردى بەرۋ پروتسەسى بىرنەشە اپتاعا سوزىلادى دەپ مالىمدەگەن.
تۇسىنىكتى بولۋى ءۇشىن ايتا كەتەيىك, اقش پرەزيدەنتى دجو بايدەن 14 ساۋىردە امەريكا تاريحىنداعى ەڭ ۇزاق شەتەلدەگى اسكەري ناۋقانعا اينالعان اۋعانستانداعى وپەراتسيانى توقتاتۋ تۋرالى شەشىم قابىلداعان بولاتىن.