ءتبيليسيدىڭ ورتالىعىندا مىڭداعان ادام نارازىلىق اكتسياسىنا شىعىپ, ۇكىمەتتىڭ وتستاۆكاعا كەتۋىن تالاپ ەتتى, دەپ حابارلايدى Egemen.kz.
«جۇيە ولتىرەدى! ءومىر ءۇشىن شىق» اتتى ۇرانمەن وتكەن اكتسيانى بەلسەندىلەر مەن جۋرناليستەر ۇيىمداستىرعان. اكتسيا قاتىسۋشىلارى گاريباشۆيليدىڭ ۇكىمەتى جۋرناليستەرگە قاتىستى زورلىق-زومبىلىقتى كەشىرگەنى ءۇشىن كىنالى دەپ وتىر. شەرۋگە شىققاندار ەل ۇكىمەتى 12 شىلدەگە دەيىن وتستاۆكاعا كەتۋىن تالاپ ەتتى.
جەرگىلىكتى تۇرعىندار وپەراتور لەكسو لاشكاراۆانىڭ ولىمىنە بايلانىستى ورتالىققا شىقتى. وپەراتور 5 شىلدەدە لگبت وكىلدەرىنە قارسى اكتسيا كەزىندە سوققىعا جىعىلعان بولاتىن.
«گاريباشۆيلي وتستاۆكاعا كەتۋى كەرەك جانە ءبىز, باق وكىلدەرى تاڭەرتەڭگە دەيىن ۋاقىت بەرەمىز», دەدى «حرونيكا+» گازەتىنىڭ رەداكتورى ەليسو كيلادزە.
ميتينگىگە ساياساتكەرلەر, ازاماتتىق بەلسەندىلەر مەن قاراپايىم ازاماتتار دا قوسىلدى.
ايتا كەتسەك, ەۋرووداقتىڭ گرۋزياداعى وكىلى كارل حارتسەل مارقۇمنىڭ وتباسىنا, دوستارى مەن ارىپتەستەرىنە كوڭىل ايتىپ, ەۋرووداق بۇل ىسكە بايلانىستى تەرگەۋ جۇمىستارىن جۇرگىزەتىنىن مالىمدەدى.