كوكشەتاۋدا وسىنداي اتاۋمەن اۋماقتىق فورۋم ءوتتى
ۇلى وتان سوعىسىنداعى جەڭىستىڭ 65 جىلدىعىن مەرەكەلەۋ اياسىندا “دوستار” مادەنيەت سارايىندا وتكىزىلگەن فورۋمعا سوعىس ارداگەرلەرى, ستۋدەنتتەر مەن جاستار, مەملەكەتتىك جانە ۇكىمەتتىك ەمەس ۇيىمدار مەن جاستار بىرلەستىكتەرىنىڭ بەلسەندىلەرى, باق وكىلدەرى قاتىستى. فورۋم داڭق مەموريالدىق كەشەنىنە گۇل شوقتارىن قويۋ, سوعىس ارداگەرلەرىنە ەسكەرتكىش سىيلىقتار تاپسىرۋ قۇرمەتىمەن باستالدى.
اقمولا وبلىسى اكىمىنىڭ ورىنباسارى اسحات قايناربەكوۆ قۇتتىقتاۋ ءسوزىن ەلباسىمىز ن.نازارباەۆتىڭ “وتاندى ءسۇيۋ — وركەنيەتتىلىكتىڭ ءبىرىنشى بەلگىسى” دەگەن وسيەتىمەن باستادى. “بۇگىنگى فورۋمنىڭ نەگىزگى ماقساتى رۋحاني-مادەني جانە تاريحي قۇندىلىقتارىمىزدى ودان ءارى دامىتۋ مەن نىعايتۋداعى جاستار موينىنداعى سالماقتى تاعى ءبىر سالماقتاۋ, دەگەن ول قازاقستاندىق پاتريوتيزمدى, ەتنوستىق قارىم-قاتىناستار مادەنيەتىن جانداندىرۋ, جاھاندىق پروتسەستەر جاعدايىنداعى ۇرپاقتار جالعاستىعى, قىمبات ءرامىزدەرىمىز بەن ءتىلىمىزدى دامىتۋعا قۇرمەت سەزىمىن قالىپتاستىرۋ ءجونىندەگى مەملەكەتتىك ماسەلەلەرگە كەڭىنەن توقتالدى. سونداي-اق, 213571 ادامنىڭ باسىن قۇراپ وتىرعان اقمولالىق جاستار ەلىمىزدەگى ىرگەلى ىستەرگە ۇيىتقى بولاتىندىعى ايتىلدى. قازىر ءوڭىر جاستارىنىڭ 58,2 پايىزى اۋىلدىق جەرلەردە تۇراتىنى بۇل پىكىردى نىقتاي تۇسەتىنى انىق.
رەسمي بولىمدە قازاقستان جاستار كونگرەسىنىڭ اتقارۋشى ديرەكتورى ن.سىزدىقوۆ, اقمولا وبلىسى مۇسىلمان ايەلدەرى بىرلەستىگىنىڭ ءتورايىمى ر.بايكەنوۆا, قازاقستان حالقى اسسامبلەياسى وبلىستىق فيليالىنىڭ مۇشەسى ت.كوندۋر, “جىگەر” جاس مەملەكەتتىك قىزمەتكەرلەر كلۋبىنىڭ ءمۇشەسى گ.ساۋحىموۆا, بۋرابايداعى كادەت كورپۋسىنىڭ كۋرسانتى د.ۋشاكوۆ, “جاسىل ەل” ستۋدەنتتىك وتريادىنىڭ جاساقشىسى ا.ەسەكەەۆا جانە باسقالار وزدەرىن تولعاندىرىپ جۇرگەن ويلارىن ورتاعا سالدى.
جالپى وتىرىستان كەيىن ءتورت تاقىرىپتىق باعىتتاعى پىكىر الماسۋ ۇيىمداستىرىلىپ, قازاقستان جاستارىنا ارنالعان ۇندەۋ قابىلداندى.
فورۋمعا قاتىسۋشىلار “مەنىڭ قازاقستانىم” اتتى كونتسەرتتىك باعدارلامانى تاماشالادى.
اقمولا وبلىسى.
“جاستار قازاقستان حالقىنىڭ بىرلىگى ءۇشىن” جالپىۇلتتىق فورۋمىنا قاتىسۋشىلاردىڭ ۇندەۋى
جاس قازاقستاندىقتار!
بۇگىنگى تاڭدا ەلىمىزدە جاستاردىڭ ءوز قابىلەتتەرىن شىڭداۋعا, شىعارماشىلىق الەۋەتتەرىن اشۋعا, قانداي دا ءبىر باتىل باستامالارىن جۇزەگە اسىرۋعا بارلىق جاعداي جاسالعان.
بىزدەر, “جاستار قازاقستان حالقىنىڭ بىرلىگى ءۇشىن” جالپىۇلتتىق فورۋمىنا قاتىسۋشىلار مەملەكەت باسشىسىنىڭ قازاقستاندى ءXXى عاسىردا ودان ءارى وركەندەتۋگە جانە ونىڭ حالىقارالىق بەدەلىن نىعايتۋعا باعىتتالعان يدەيالارىن ىسكە اسىرۋعا دايىن ەكەنىمىزدى ءمالىمدەيمىز.
الدىمىزدا تاريحي ماڭىزى زور وقيعا – ەل تاۋەلسىزدىگىنىڭ 20 جىلدىعى كەلە جاتىر. بۇل ايتۋلى بەلەس ءبىزدىڭ ۇرپاققا ءۇلكەن جاۋاپكەرشىلىكتەر جۇكتەيدى.
ءبىز مەملەكەتىمىزدىڭ ينتەللەكتۋالدىق ەليتاسىن قالىپتاستىرۋ ءۇشىن جاڭا عاسىردىڭ جاڭا تەحنولوگيالارىن يگەرۋگە ۇمتىلۋىمىز كەرەك.
ءبىز الەمنىڭ وزىق ەلدەرىنىڭ ستاندارتتارىنا سايكەس جاڭا ءبىلىمدەردى يگەرىپ, العان ءبىلىمىمىزدى قازاقستاننىڭ جەدەل يندۋستريالىق-يننوۆاتسيالىق دامۋى ءۇشىن پايدالانۋعا ءتيىسپىز.
ءبىز مەملەكەتتىك ءتىلدى ودان ءارى دامىتۋدى, باي مادەني مۇرامىز بەن قازاق حالقىنىڭ جانە ەلىمىزدە تۇرىپ جاتقان بارلىق ەتنوستاردىڭ سالت-داستۇرلەرىن ساقتاۋدى جاقتايمىز.
ءبىز ەلىمىزدىڭ باستى يگىلىكتەرىن – ەتنوسارالىق كەلىسىمدى, تاتۋلىق پەن بىرلىكتى ساقتاپ, قورعايتىن بولامىز.
ءبىز جاڭا يدەيالاردى جۇزەگە اسىرىپ, ءاردايىم ومىرشەڭ ءىستەردىڭ باستاۋىندا تۇراتىن بولامىز.
ءبىزدىڭ جاسامپازدىق ەڭبەگىمىز, شىعارماشىلىق كۇش-قايراتىمىز بەن بولاشاققا سەنىمىمىز تاۋەلسىز قازاقستاننىڭ دامۋىنا باعىتتالاتىن بولادى!
ەلىمىزدىڭ جاستارىن ءبىزدىڭ باستامالارىمىزدى قولداۋعا جانە ولاردى ىسكە اسىرۋعا بەلسەنە اتسالىسۋعا شاقىرامىز.
بارلىق كۇش-جىگەرىمىزدى ءبىرلىگىمىزدى ساقتاۋعا جانە ورتاق وتانىمىز – قازاقستان رەسپۋبليكاسىنىڭ وركەندەۋىنە جۇمسايىق!
باقبەرگەن امالبەك.