تايلاندتا جاعاجاي ۆولەيبولىنان 19 جاسقا دەيىنگى قىزدار مەن جىگىتتەر اراسىنداعى جىل سايىنعى ءۇشىنشى ازيا چەمپيوناتى ءوتتى, دەپ حابارلايدى Egemen.kz.
قازاقستان ۆولەيبول فەدەراتسياسى ءباسپاسوز قىزمەتىنىڭ حابارلاۋىنشا, جاستار چەمپيوناتىندا ءبىزدىڭ ەلىمىزدىڭ نامىسىن لاۋرا قابىلبەكوۆا مەن نادەجدا يۆانچەنكو, ايسۇلۋ مۇحتارقىزى مەن اسەماي سابانباەۆا جانە دارحان امانجولوۆ پەن دامير لاپوۆ, الەكساندر كەتيلادزە مەن الەكساندر يسمايلوۆ قورعادى.
حالىقارالىق دەڭگەيدەگى جارىستاردا دارحان امانجولوۆ پەن دامير لاپوۆ جاعاجايشىلارىنىڭ تاندەمى ەرەكشەلەنە الدى. ولارعا تايلاند قۇراماسىنا قارسى 3-4 ورىن ءۇشىن جەكپە-جەگىندە تەحنيكالىق جەڭىس بەرىلدى.
ءبىرىنشى سەتتە پاۆەل الەكساندروۆتىڭ شاكىرتتەرى 21:14 ەسەبىمەن العا شىقتى. ەكىنشى پارتيادا قارسىلاستاردىڭ ءبىرى جاراقات الىپ, 17:8 ەسەبىمەن جەكپە-جەك قازاقستاندىقتاردىڭ پايداسىنا سانالدى.