ەل تاۋەلسىزدىگىنىڭ مەرەيلى بەلەسىنە وراي سۋرەتشى-يلليۋستراتورلارعا ارنالعان «تاريحىم – بۇگىنىم, ەرتەڭىم!» اتتى بايقاۋ جاريالاندى.بايقاۋدى «Samruk-KazynaTrust» الەۋمەتتىك جوبالاردى دامىتۋ قورىنىڭ باس سەرىكتەسىنiڭ قولداۋىمەن «BAURZHAN foundation» قايىرىمدىلىق قورى ۇيىمداستىرىپ وتىر. بايقاۋدىڭ جالپى جۇلدە قورى 1 ملن تەڭگەنى قۇرايدى, دەپ حابارلايدى Egemen.kz.
ۇيىمداستىرۋشىلاردىڭ ايتۋىنشا, بايقاۋدىڭ باستى يدەياسى 1991-2021 جىلدار ارالىعىنداعى تاۋەلسىز قازاقستان تاريحىنا نەگىزدەلگەن. سوڭعى 30 جىل ىشىندە ەلدەگi ايتۋلى مادەني, سپورتتىق, ساياسي جانە باسقا دا وقيعالار قازىرگى زامانعى سۋرەتشى-يلليۋستراتورلاردىڭ جۇمىستارىنىڭ ىرگەتاسى مەن نەگىزگى تاقىرىبىنا اينالماق.
بايقاۋعا 16 جاستان باستاپ قازاقستاننىڭ تالانتتى جاس سۋرەتشىلەرى ۇيىمداستىرۋ كوميتەتىنىڭ مەكەن-جايىنا 1 كەزەڭنەن ءوتۋ ءۇشىن جەكە جۇمىستارىن جىبەرۋ ارقىلى قاتىسا الادى. ولاردى كاسىبي سۋرەتشىلەر مەن قوعام قايراتكەرلەرىنەن قۇرالعان قازىلار القاسى باعالاپ iرiكتەيتiن بولادى. بايقاۋدىڭ 2-كەزەڭىندە سۋرەتشىلەر 30 ۇزدىك يلليۋستراتوردى انىقتايتىن جالپى تاپسىرما الادى. 3 كەزەڭ - يلليۋستراتسيالار جيناعىندا ءارى قاراي جاريالاۋ ءۇشىن تاۋەلسىزدىكتىڭ 30 جىلدىعىنىڭ تاريحي تاقىرىپتارىن بولۋمەن جالعاسادى.
تاۋەلسىزدىكتىڭ 30 جىلدىعىنا ارنالعان 30 يلليۋستراتوردىڭ جۇمىستارى «قازاقستان رەسپۋبليكاسىنىڭ تاريحى» كىتابىنىڭ زاماناۋي سۋرەتتى باسىلىمىنا ەنەدى. جۇلدە قورى فەستيۆالدىڭ بارلىق قاتىسۋشىلارىنا تەڭ بولىنبەك.
«قازاقستاننىڭ تاۋەلسىزدىككە قول جەتكىزۋ جولى ۇزاق ءارى كۇردەلى بولدى. تاۋەلسىزدىكتىڭ 30 جىلدىق تاريحى ەلەۋلى, ۇلى وقيعالارعا تولى. الەمنiڭ ءار تۇكپiرىندە ەلىمىزدىڭ كوك بايراعىن جەلبiرەتiپ, اتىن ابىرويمەن تانىستىرعان كوپتەگەن جاڭا ەسىمدەر بەلگiلi بولدى. بۇل بايقاۋ جاس قازاقستاندىقتاردىڭ شىعارماشىلىق قىزمەتىن جانداندىرىپ قانا قويماي, ولاردىڭ شىعارماشىلىعى ارقىلى وتانىمىزدىڭ تاريحى تۋرالى سىر شەرتەدi دەپ تولىق ايتۋعا نەگiز بار», دەيدى بايقاۋدىڭ ۇيلەستىرۋشىسى سايدا يبراگيموۆا.
بايقاۋعا قاتىسۋعا وتىنىمدەر قاتىسۋشىنىڭ پورتفوليوسىمەن 2021 جىلدىڭ 31 شىلدەسiنە دەيىن khancomicswork@gmail.com ەلەكتروندىق پوشتاسى ارقىلى قابىلدانادى.
بايقاۋ ەرەجەسىمەن جانە قوسىمشا اقپاراتپەن ۇيىمداستىرۋشىلاردىڭ رەسمي سايتىندا تانىسۋعا بولادى: www.baurzhan.kz, www.sk-trust.kz جانە www.khancomics.kz