جول-كولىك وقيعاسى نۇر-سۇلتان - پەتروپاۆل تاس جولىندا ورىن الدى, دەپ حابارلايدى Egemen.kz.
وقيعا 6 شىلدەدە نۇر-سۇلتان - پەتروپاۆل تاس جولىنىڭ 194 شاقىرىمىندا بولعان.
وبلىستىق پد مالىمەتىنشە, Toyota RAV4 كولىگىن 48 جاستاعى ەلوردا تۇرعىنى باسقارعان. جول اپاتىنىڭ باستى سەبەبى – كولىك دوڭگەلەگىنىڭ ىستەن شىعۋى.
«Toyota RAV4 ماركالى كولىكتىڭ جۇرگىزۋشىسى – نۇر-سۇلتان قالاسىنىڭ 48 جاستاعى تۇرعىنى كوكشەتاۋ جاققا بارا جاتقاندا كولىكتىڭ الدىڭعى دوڭعالاعىنىڭ جەلى شىعىپ كەتكەن. سودان ول رولگە يە بولا الماي, اۋدارىلىپ قالعان», دەيدى پوليتسەيلەر.
جول اپاتى سالدارىنان كولىك ىشىندە بولعان 9 جاسار قىز جاق سۇيەگى, ال اناسى كەۋدە تۇسىنان جاراقات العان.
قازىرگى كەزدە كولىك جۇرگىزۋشىسىنە قاتىستى اكىمىشىلىك قۇقىقبۇزۋشىلىق تۋرالى كودەكستىڭ 610-بابى, 1-تارماعى (كولiك قۇرالدارى جۇرگiزۋشiلەرىنiڭ جول ءجۇرىسى قاعيدالارىن ادامداردىڭ دەنساۋلىعىنا زيان كەلتiرۋگە, كولiك قۇرالدارىنىڭ نەمەسە وزگە دە مۇلiكتiڭ ب ۇلىنۋىنە الىپ كەلگەن بۇزۋشىلىعى) بويىنشا اكىمشىلىك حاتتاما راسىمدەلدى.