قوستاناي وبلىسىندا جول-كولىك اپاتى سالدارىنان كامەلەت جاسقا تولماعان ءۇش بالا قازا تاپتى, دەپ حابارلايدى Egemen.kz.
«26 ماۋسىم كۇنى «قوستاناي-قارابۇتاق» كۇرە جولىندا Renault Sandero كولىگىن جۇرگىزىپ كەلە جاتقان 36 جاستاعى ايەل جۇك كولىگىن باسىپ وزۋ كەزىندە جولدىڭ قارسى بەتىندە كەلە جاتقان Lexus كولىگىمەن سوقتىعىستى.
جول-كولىك وقيعاسى سالدارىنان Renault Sandero-دا وتىرعان 14 جاستاعى ەكى بالا مەن 17 جاستاعى ءجاسوسپىرىم قازا تاپتى», دەپ حابارلادى پوليتسيادان.
اتالعان كولىكتىڭ جۇرگزۋشىسى مەن 40 جاستاعى جولاۋشى دەنە جاراقاتتارىن العان. قر قىلمىستىق كودەكسىنىڭ 345-بابى بويىنشا سوتقا دەيىنگى تەرگەپ-تەكسەرۋ امالدارى باستالدى.