ماڭىزدى جوبالار تالقىلاندى

«قاينار-اكب» جشس-ءنىڭ وب­لىستا سالعالى وتىرعان جاڭا زاۋى­تىنىڭ قۋاتى جىلىنا 1,2 ملن قور­عاسىندى-ءسىلتىلى اككۋمۋلياتور شى­عارۋعا جەتەدى. كومپانيا بۇل ىسكە 40 ملن دوللارداي قارجى قۇيۋ­دى جوسپارلاعان. قۇرىلىس جۇ­مىسى 2022 جىلدىڭ ەكىنشى توق­سا­نىندا باستالىپ, 2023 جىلدىڭ باسىندا زا­ۋىت ىسكە قوسىلماق.

باتىس قازاقستان وبلىسىنىڭ اكىمى عالي ەسقاليەۆتىڭ توراعالى­عىمەن وتكەن ينۆەستيتسيالار تارتۋ, ينۆەستيتسيالىق احۋالدى جاقسارتۋ جانە ەكسپورتتى ىلگەرىلەتۋ بويىنشا وڭىرلىك كەڭەستىڭ كەزەكتى وتىرىسىندا «قاينار-اكب» جشس باس ديرەكتورىنىڭ ورىنباسارى تۇرار جولماعامبەتوۆ اككۋمۋلياتور باتا­رەيالارىن وندىرەتىن زاۋىتتىڭ جو­باسىن ونلاين تانىستىرىپ ءوتتى. ونىڭ ايتۋىنشا, بۇل زاۋىتتا 300 ادام تۇراقتى جۇمىس ىستەيتىن بو­لادى. زاۋىت ءونىمى ەۋرووداق ەلدە­رىنە, رەسەي مەن كاۆكازعا ەكسپورت­تالادى دەپ جوسپارلانعان. مۇن­دا اككۋمۋلياتوردىڭ Kainar, Unikum, Bars, Nomad, ۆو­جاك سەكىلدى تانىمال تۇرلەرى شى­عا­رىل­ماق. ينۆەستور جەرگىلىكتى بي­لىك­تەن ورال قالاسى اۋماعىنان تە­مىر جول جەلىسى, سۋ, گاز, كارىز جۇيەسى تار­تىل­عان جەر تەلىمىن ءبولۋدى سۇراپ وتىر.

45 جىلدىق تاريحى بار, ءونىمى 15 مەملەكەتكە ەكسپورتتالىپ جاتقان زاۋىتتىڭ اقجايىق وڭىرىندەگى جوباسىن كەڭەس مۇشەلەرى ءبىر اۋىزدان قولدادى. ودان كەيىن ءوڭىر باسشىسى مەن «قاينار-اكب» جشس باس ديرەكتورى سەرىكباي اجماعامبەتوۆ ەكىجاقتى مەموراندۋمعا قول قويدى.

ال Dariyn Pro Invest Group كوم­­پانياسى ورال قالاسىنداعى ەسكى سپيرت زاۋىتى اۋماعىنان وڭىردەگى كاسىپكەرلىكتى دامىتا تۇسەتىن ءون­دىرىس بازاسىن جاساقتاۋعا نيەت ءبىل­دىردى. بۇل كومپانيا الداعى ەكى جىل ىشىن­دە 500 ملن تەڭگە ينۆەستيتسيا تارتىپ, كەمىندە 40 ادامدى جۇمىسپەن قامتىماق. ورال قالاسىنان 5 شاقى­رىم جەردە ور­نالاسقان 9 گەكتار اۋماقتا 20 مىڭ شارشى مەتر ءوندىرىس الاڭى جاساقتالىپ, قويمالار مەن ساۋ­دا ورىندارى, كەڭسە عيماراتتارى كەلۋشىلەرگە جالعا بەرىلەدى دەپ كۇ­­تىلگەن. كاسىپورىن ءوندىرىس بازا­سى اۋماعىنان جىلىجاي سالىپ, وندا وسىرىلگەن جەمىس-جيدەكتى وڭ­دەپ, كەپ­تىرەتىن ورىن سالۋدى دا جوسپارلاعان.

اقجايىق اۋدانىنداعى ساتي­مولا جانە تەرەكتى اۋدانىنا قاراستى شالقار كەن ورىندارى ماڭىنان كالي تىڭايتقىشىن وندىرەتىن زاۋىت سالۋ جونىندەگى ينۆەست جوباسىن SRPM Resources Ltd جشس ۇسىنىپ وتىر. كاسىپ­ورىن بۇل جوباعا 436 ملرد تەڭگە قارجى قۇيماق. زاۋىتتىڭ تولىق قۋاتى – جىلىنا 4,7 ملن توننا كا­لي تىڭايتقىشىن وندىرۋگە جە­تەدى. ءارى وندا 1300-دەن استام جۇ­مىس ورنى اشىلماق. سەرىكتەستىك ينۆەستيتسيالىق جوبانى جۇزەگە اسىرۋ ءۇشىن ەكى اۋدان اۋماعىنان جەر تەلىمىن سۇراپ وتىر.

ورال قالاسىنان ماممولوگيا جا­نە اللەرگولوگيا باعىتىندا ەم­­­دەيتىن DiVera مەديتسينالىق ورتا­­­لىعىن سالۋ جونىندە جوبا­نى «كدل وليمپ» جشس ۇسى­نىپ وتىر. مۇنداي ورتالىق بۇ­عان دە­­يىن قاراعاندى, اتىراۋ, شىم­­كەنت, اقتوبە, تالدىقورعان قا­لا­­­لا­رىندا اشىلعان. ينۆەستور ورال قالاسىنداعى «التىن عاسىر» مەيرام­حاناسىنىڭ عيماراتىن مە­دي­تسي­نالىق ورتالىققا اينالدى­رۋ­دى جوسپارلاپ تا قويعان ەكەن. مەديتسينالىق ورتالىقتا 50 مامان جۇمىس ىستەيدى. بۇگىندە ءجيى كەز­دەسەتىن ايەل ادامدارداعى ءسۇت بەزى اۋرۋلارىن ەرتە انىقتاۋعا, ال­لەرگيالىق دەرتتەردى ەمدەۋگە نيەت ەتىپ وتىرعان جاڭا ورتالىقتىڭ قىز­مەتىنە سۇرانىس بار.

وسى وتىرىستا ورالدىق «كۋك­سوۆ» جەكە كاسىپكەرلىگى شالقار كولى جاعاسىنان تۋريستىك دەمالىس ورنىن اشۋ جوباسىن ورتاعا سالدى. بۇل جوباعا 5 جىل ىشىندە 3 ملرد تەڭگە قاراجات قۇيىلىپ, كول جاعاسىندا دەمالىس ورىندارى, كيىز ۇيلەر مەن زاماناۋي شاتىرلار ورناتىلماق. سونداي-اق كاسىپكەر كولگە شاباق جىبەرىپ, بالىق شارۋاشىلىعىن دا دامىتقىسى كەلىپ وتىر ەكەن.

– بۇگىنگى ايماقتىق كەڭەس وتى­رىسىنا جالپى قۇنى 458 ملرد تەڭگەنى قۇرايتىن بەس جوبا ۇسى­نىلدى. بۇل ينۆەست جوبالار ءساتتى جۇزەگە اسىرىلعان جاعدايدا ەكى مىڭ­نان استام جۇمىس ورنى اشىلاتىن بولادى. اۋىل شارۋاشىلىعىن وركەندەتۋ, ماشينا جاساۋ سالاسىن جەتىلدىرە ءتۇسۋ, ءتۋريزمدى دامىتۋ, مينەرالدى تىڭايتقىشتار ءوندىرۋ سەكىلدى جوبالار ءبىزدىڭ ءوڭىر ءۇشىن وتە ماڭىزدى. سوندىقتان اتالعان ينۆەست جوبالاردىڭ بارلىعىن جان-جاقتى قولدايتىن بولامىز, – دەيدى عالي ەسقاليەۆ.

باتىس قازاقستان وبلىسى