13 ماۋسىمدا ەڭبەك ارداگەرى, قازاقستاننىڭ قۇرمەتتى قۇرىلىسشىسى جانە اقمولا وبلىسىنىڭ قۇرمەتتى ازاماتى ۇزاقباي جاپار ۇلى مامين دۇنيەدەن ءوتتى, دەپ حابارلايدى Egemen.kz.
ۇزاقباي مامين 1937 جىلعى 1 ناۋرىزدا اقمولا وبلىسى ەرەيمەنتاۋ اۋدانىنىڭ بلاگوداتنوە اۋىلىندا تۋعان.
قۇرىلىس سالاسىندا شەبەردەن باستاپ «تسەلينوگرادەلەۆاتورمەلستروي», «تسەلينسانتەحمونتاج» ترەستەرى, تسەلينوگراد وبلىسىنىڭ اگروونەركاسىپتىك كوميتەتىنىڭ قۇرىلىس كەشەنى سياقتى بىرقاتار قۇرىلىس ۇيىمدارىنىڭ باسشىسىنا دەيىنگى ۇزاق ەڭبەك جولىنان ءوتتى.
ەرەن ەڭبەگى مەن جۇمىستاعى جەتىستىكتەرى ءۇشىن حالىقتار دوستىعى جانە «قۇرمەت» وردەندەرىمەن ماراپاتتالدى.
كەيىنگى جىلدارى نۇر-سۇلتان قالاسىنىڭ ارداگەرلەر كەڭەسىندە بەلسەندى ەڭبەك ەتتى.