اتىراۋدا Ashyq جوباسىنا قوسىلۋعا نيەت بىلدىرگەن كاسىپكەرلەر قاتارى كوبەيىپ كەلەدى, دەپ حابارلايدى Egemen.kz.
وبلىستىق سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى قادىرجان ورازعاليەۆتىڭ ايتۋىنشا, كاسىپكەرلىك نىساندارىنىڭ يەلەرى «Ashyq» قوسىمشاسىنا قاتىسۋعا 314 ءوتىنىش بەرىپتى.
«قازىر جوباعا 196 نىسان قوسىلىپ, 264-ءى QR كود الدى. ال, 68 نىسان سىناق رەجيمىندە جۇمىس ىستەۋدى باستادى. كارانتيندىك شەكتەۋ شارالارىن بىرنەشە رەت بۇزعان 3 كاسىپكەرلىك نىسانى جوبادان 2 اپتاعا شەتتەتىلدى. QR كود ارقىلى «قىزىل» ساناتتاعى 20 ازامات انىقتالدى. بۇلار – كوروناۆيرۋس ينفەكتسياسىمەن كەلۋشىلەر. سونداي-اق, قاۋىپتى ۆيرۋسقا شالدىققان ناۋقاستارمەن بايلانىستا بولعان «سارى» ساناتتاعى 21 ازاماتقا ءتۇسىندىرۋ جۇمىسى جۇرگىزىلدى», دەيدى قادىرجان ورازعاليەۆ.