قىرعىزستاننىڭ توتەنشە جاعدايلار مينيسترلىگى چون-الاي اۋدانىنىڭ شەكارالىق اۋىلدارىنان حالىقتى ەۆاكۋاتسيالاپ جاتىر, دەپ حابارلايدى Egemen.kz كابار اگەنتتىگىنە سىلتەمە جاساپ.
«توتەنشە جاعدايلار ءمينيسترى بووبەك اجيكەەۆ وش وبلىسىنىڭ چون-الاي اۋدانىنداعى جاعدايدى تولىق باقىلاۋىندا ۇستاپ وتىر جانە جەرگىلىكتى حالىقتى ەۆاكۋاتسيالاۋ جۇمىستارىنا ءوزى باسشىلىق ەتۋدە», دەپ ءمالىم ەتتى ۆەدومستۆونىڭ ءباسپاسوز قىزمەتىنەن.
مينيسترلىك اقپاراتىنا سايكەس, ساعات 19.30-داعى جاعداي بويىنشا, وش وبلىسىنىڭ چون-الاي اۋدانىنا قاراستى كارا-مىك, جەكەندي, كارا-تەيت, چۋلۋك جانە شيبە اۋىلدارىنان تۇرعىندار دارووت-كورگون اۋىلىنداعى ا.سايت اتىنداعى مەكتەپكە كوشىرىلۋدە.
سونداي-اق جەرگىلىكتى حالىق ا.مىرزاقۇلوۆ اتىنداعى ورتا مەكتەپكە, 44-پوليتەحنيكالىق ۋچيليششەگە جانە ورتالىق مەشىتكە ورنالاستىرىلىپ جاتىر. ەۆاكۋاتسياعا قر توتەنشە جاعدايلار مينيسترلىگىنىڭ اۋداندىق بولىمشەلەرى, چون-الاي اۋدانىنىڭ باسشىلىعى جانە ازاماتتىق قورعانىس كوميسسياسى جۇمىلدىرىلدى.
«سونىمەن قاتار تجم گۋمانيتارلىق كومەكتى ۇيىمداستىرۋعا كىرىستى. ەۆاكۋاتسيا بويىنشا بارلىق ءىس-شارا توتەنشە جاعدايلار ءمينيسترى ب. اجيكەەۆتىڭ جەكە باسشىلىق ەتۋىمەن جانە ءجىتى باقىلاۋىمەن وتكىزىلۋدە», دەپ جازادى كابار.