«جەدەل جەلىنىڭ» جاردەمى

تسيفرلىق ەكونوميكانى دامىتۋ ورتالىعىنىڭ تەحنيكا­لىق ديرەكتورى گۇلجان قونقاشەۆا­نىڭ ايتۋىنشا, بايلانىس ورتا­لى­­عىندا بىرنەشە اۋىسىمدا

20 وپەراتور جۇمىس ىستەپ جاتىر. ولار ءۇش قولداۋ جەلىسىنە ساي­كەس وتىنىشتەردى تىركەپ, جاۋاپ بەرە­دى. كاسىپكەرلەر «جەدەل جە­لىگە» قوڭىراۋ شالىپ, جالپى ماسەلەلەر توڭىرەگىندە تاۋارلاردى تاڭبالاۋ جانە قاداعالاۋ بو­يىنشا كەڭەس الا الادى. سونداي-اق قاجەت بولعان جاعدايدا جەكە­لەگەن تاۋار توپتارىن تاڭبا­لاۋ ماسەلەلەرى بويىنشا مامان­دان­عان ساراپشىلار ەگجەي-تەگ­جەيلى تۇسىنىكتەمە بەرەدى. جۇيە­دە تىركەلۋگە, قۇجاتتاردى رەسىم­دەۋ­گە, قالىپتاستىرۋعا, جو­نەل­تۋ­گە بايلانىستى ماسەلەلەر تۋىن­­­داعان جاعدايدا ءوتىنىش تەح­­­­ني­كالىق قول­داۋ جەلىسىنە جى­بە­رىلەدى.

تسيفرلى تاڭبالاۋعا قاتىستى «جەدەل جەلى» ءوز جۇمىسىن 2020 جىلدىڭ تامىز ايىندا باستاعان بولاتىن. ياعني تەمەكى ونىمدەرىن مىندەتتى تسيفرلى تاڭبالاۋعا ەكى اي قالعاندا ىسكە كىرىستى. بايلانىس ورتالىعىنا ەڭ كوپ ءوتىنىش بىلتىر قىركۇيەكتەن جەلتوقسانعا دەيىنگى ارالىقتا كەلىپ تۇسكەن. بۇل بيزنەستىڭ تەمە­كى نارىعىنداعى جاڭا جۇمىس جاعدايىنا بەيىمدەلۋ كەزەڭى بولدى. وسىعان بايلانىستى كوپ­تەگەن سۇراق تا تۋىندادى. تسيفر­لى تاڭبالاۋ بويىنشا باي­لانىس ورتالىعى 9 اي ىشىندە 10 مىڭنان استام ءوتىنىشتى وڭدەپ ۇلگەرگەن. «جەدەل جەلى» تاۋلىك بويى, اپتاسىنا جەتى كۇن جۇمىس ىستەيدى. جۇمىستىڭ ناعىز قىزعان شاعىندا تاۋلىگىنە 300-گە دەيىن وتىنىشتەردى وڭدەۋگە تۋرا كەلەدى.

– 1 شىلدەدەن باستاپ اياق كيىم تاۋارلارىن مىندەتتى تاڭبا­لاۋ ەنگىزىلەدى. سوندىقتان ماۋ­سىم-شىلدە ايلارىندا اياق كيىم نارىعىنداعى ويىنشىلار تاراپىنان كەلىپ تۇسەتىن وتى­نىش­تەر سانى ءوسۋى مۇمكىن. كەڭەسشىلەر بيزنەسكە بارىنشا جەدەل تۇسىنىكتەمە, كەڭەس بەرۋگە دايىن. ورتاشا العاندا كەڭەس بەرۋ سيپاتىنداعى سۇراقتارعا كليەنت جۇگىنگەن ساتتە 5-10 مينۋت ىشىندە جاۋاپ الادى. ەگەر ماسەلەنى ەگجەي-تەگجەيلى زەردەلەۋ قاجەت بولسا, ەڭ ۇزاق دەگەندە جاۋاپ بەرۋ ۋاقىتى 24 ساعاتتان اسپايدى. قالاي بولعاندا دا, جۇگىنگەن ءاربىر ادام قويىلعان سۇراققا تولىققاندى جاۋاپ الادى. بۇل بايلانىس ورتالىعى جۇمىسىنىڭ باستى ەرەجەسى, – دەيدى گ.قونقاشەۆا.

بايلانىس ورتالىعى وتىنىم­دەر­دى تەلەفون ارقىلى, سونداي-اق ەلەكتروندى مەكەنجاي جانە تاۋارلاردى تاڭبالاۋدىڭ جانە قاداعالاۋدىڭ اقپاراتتىق جۇيە­سى­نىڭ ۆەب-ينتەرفەيسى ارقىلى قابىلدايدى. وپەراتورلار تاۋار­لار­دى تسيفرلى تاڭبالاۋ جانە قاداعالاۋ ماسەلەلەرى بو­­يىنشا ۇنەمى ءبىلىم جەتىلدىرىپ تۇ­رادى. قازىرگى ۋاقىتتا بايلانىس ورتا­لى­عىن كەڭەيتۋ جانە قىزمەت كور­سە­تۋدىڭ ومنيكانالدى مودەلىن دا­مىتۋ قاراستىرىلۋدا. بۇل 2022 جىلى ەلىمىزدە تاۋارلاردىڭ وزگە توپتارىنا مىندەتتى تسيفرلى تاڭبالاۋ ەنگىزىلەتىن كەزدە وزەكتى بولماق.

ەسكە سالا كەتەيىك, قازاقس­تان­دا وتكەن جىلدىڭ قازان ايىندا تەمەكى ونىمدەرىن مىندەتتى تاڭبالاۋ ەنگىزىلدى. قازىرگى ۋاقىت­تا فارماتسەۆتيكالىق پرەپارات­تاردى, الكوگول جانە ءسۇت ونىم­دە­رىن تسيفرلى تاڭبالاۋ بو­يىنشا قا­نات­قاقتى جوبالار جۇزەگە اسى­­­رى­لۋدا. تاڭبالاۋدىڭ باس­تى ماقساتى – تۇتىنۋشىلاردى كونترا­­فاكتىلىك جانە جالعان ونىم­­­­دەردەن قورعاۋ. سونىمەن قا­تار تسيفرلى تاڭبالاۋ بيزنەس­تىڭ ونىمدىلىگىن ارتتىرۋعا, لوگيس­تي­كا­­لىق سحەمالاردى جەتىلدىرۋگە جانە نارىق ۇلەسىن ارتتىرۋعا مۇم­كىندىك بەرەدى.