كەشە پرەمەر-مينيستر كارىم ءماسىموۆ انكارا قالاسىنىڭ مەرى مەليح گوكچەكپەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى.
اڭگىمەلەسۋشىلەر ەكى ەل پرەزيدەنتتەرى قول قويعان ستراتەگيالىق ارىپتەستىك تۋرالى كەلىسىمدى جۇزەگە اسىرۋ شەڭبەرىندەگى قازاقستان-تۇركيا ساۋدا-ەكونوميكالىق قىزمەتتەستىگىنىڭ قازىرگى جاعدايى مەن بولاشاعىن تالقىلادى.
سول سياقتى ەكى ەلدىڭ استانالارى اراسىندا دوستىق بايلانىستار ورناتۋ تۋرالى كەلىسىمگە سايكەس استانا مەن انكارا قالالارىنىڭ ءوزارا قارىم-قاتىناسىن ءارى قاراي جەتىلدىرۋ جونىندە پىكىر الماسىلدى.
تاراپتار قازاقستان مەن تۇركيا اراسىنداعى ساۋدا-ەكونوميكالىق جانە مادەني-گۋمانيتارلىق قىزمەتتەستىكتى ودان ءارى دامىتا تۇسۋگە ءوزارا مۇددەلىلىك ءبىلدىردى.