ماينينگ سالاسىنا قاۋىپ ءتونىپ تۇر

قازىرگى ۋاقىتتا ماينينگتىك فەرمالار مەن داتا-ورتالىقتارعا  قوسىمشا سالىق سالىنۋى ىقتيمال – ەلەكتر ەنەرگياسىنىڭ 1 كيلوۆاتت-ساعاتىنا 1 تەڭگە. ءتيىستى تۇزەتۋلەردى سالىق كودەكسى ارقىلى  قابىلداۋ جوسپارلانۋدا, ونى قازاقستان پارلامەنتىنىڭ ءماجىلىسى ەكى وقىلىمدا ماقۇلداپ, پارلامەنتىنىڭ سەناتىنا جىبەردى. مۇنداي شارا ماينينگ  سالاسىن بۇزۋى مۇمكىن.

نارىق قۇرىلىمىن  17  ماينينگتىك داتا ورتالىق  قۇراپ وتىر. قازاقستان رەسپۋبليكاسى ەنەرگەتيكا مينيسترلىگىنىڭ دەرەكتەرى بويىنشا,  تسيفرلىق ماينينگتىڭ داتا-ورتالىقتارى  تۇتىناتىن ەلەكتر ەنەرگياسىنىڭ كولەمى  500 مەگاۆاتتى  قۇرايدى.

ماينينگ نارىعىنىڭ كولەمى جىلىنا 4,38 ملرد كيلوۆاتت-ساعات. ەلەكتر ستانتسيالارىنىڭ  ەلەكتر ەنەرگياسى ءۇشىن  تولەيتىن اقىسى جىلىنا 57 ملرد  تەڭگە. سونىمەن قاتار, جىلىنا تاعى 10-15 ملرد تەڭگە جالاقى تولەۋگە, قۇرىلىسقا, جەرگىلىكتى ەنەرگەتيكالىق ءونىمدى (كابەل, باقىلاۋ شكافتارى, ترانسفورماتورلار) ساتىپ الۋعا جۇمسالادى.

جىلىنا 70 ملرد  تەڭگە — بۇل شەتەلدىك ۆاليۋتا تۇرىندە ماينينگ قىزمەتتەرى ءۇشىن تۇسەتىن اقشا.

«قازاقستانداعى  بلوكچەين جانە داتا-ورتالىقتار يندۋسترياسى قاۋىمداستىعى» زتب پرەزيدەنتى الان دوردجيەۆ تسيفرلىق ماينينگ تەحنولوگيالىق پروتسەسس  ەكەنىن ايتىپ بەردى. ماينينگتى  سمارتفوندا جانە كومپيۋتەردە, ۇيدە جانە جۇمىستا جاساۋعا  بولادى. سالىق كودەكسىنە تۇزەتۋلەر قابىلدانعان جاعدايدا,  ول زاڭدى ءوز پايداسىن يكەمدەپ پايدالانۋعا جول اشادى, بۇل ء وز كەزەگىندە سىبايلاس جەمقورلىق تاۋەكەلدىكتەرىن تۋعىزادى.

سونداي-اق, تۇزەتۋلەردىڭ  مۇنداي اسىعىس تۇردە قابىلدانۋى  ينۆەستورلاردى قاتتى الاڭداتۋدا, ولار بۇل سالادان كەتىپ قالۋى ىقتيمال. ەگەر ء بىر كيلوۆاتت-ساعات ءۇشىن 1 تەڭگە مولشەرىندە قوسىمشا سالىق ەنگىزىلسە, وندا نەگىزگى ققس جانە كتس  سەكىلدى نەگىزگى سالىقتاردان  باسقا, ماينەرلەر  قازاقستان بيۋدجەتىنە 4,4 ملرد تەڭگە تولەيتىن بولادى. بۇل شەتەلدىك ينۆەستورلاردىڭ رەگۋلياتورلىق تاۋەكەلدىلىگىن تۋعىزادى, ولاردىڭ  بولاشاقتا بۇل سالاعا رەينۆەستيتسيا جاساۋعا دەگەن قىزىعۋشىلىقتارى جوعالىپ كەتەدى ەكەن. تسيفرلىق  ماينينگكە  بايلانىستى 2020 جىلدىڭ سالىق اۋدارىمدارى 7,5 ملرد  تەڭگە ققس جانە 2 ملرد تەڭگە كتس قۇرادى.

ماينينگ سالاسىندا 800 ادام جۇمىس ىستەپ جاتىر. بۇل ينجەنەر ەنەرگەتيكتەر مەن ەلەكتريكتەر, ايتيشنيكتەر, ميكروچيپتەر مەن پلاتالار  جونىندەگى ەلەكترونيكا ماماندارىنا جوعارى اقى تولەنەتىن جۇمىس ورىندارى. سونداي-اق سالادا مەردىگەرلەر جۇمىس ىستەيدى , ءبارىن قوسقاندا  جۇمىس ىستەيتىندەر  سانى 1 500 ادامدى قۇرايدى. بارلىق داتا-ورتالىقتار وڭىرلەردە ورنالاسقان. سالىق كودەكسىنە ەنگىزىلەتىن  تۇزەتۋلەر شتاتتاردىڭ قىسقارۋىنا اسەر ەتپەك.

قازاقستاندا ونعا  جۋىق ەلەكتر ستانتسياسى ماينەرلەرمەن جۇمىس ىستەيدى. سالىق كودەكسىنە  ەنگىزىلەتىن تۇزەتۋلەر بۇل سالاعا دا زالال كەلتىرەدى. ماينينگتىك  داتا  ورتالىقتارى ايماقتىق ەلەكتر ستانتسيالارىنىڭ نەگىزگى ساتىپ الۋشىلارى بولىپ تابىلادى. ولاردان ايىرىلىپ قالماس ء ۇشىن ەلەكتر ستانتسيالارىنا كيلوۆاتت-ساعات قۇنىن كەم دەگەندە  1,5 تەڭگەگە  تومەندەتۋ ەسەبىنەن قوسىمشا جۇكتەمەنى وتەۋ قاجەت بولادى.