Aitu قوسىمشاسىن دا پايدالانۋعا بولادى

«بىرنەشە اپتا بۇرىن BTS كومپا­نياسى Ashyq قوسىمشاسىن Aitu-مەن ين-تە­گ­راتسيالاۋدى ۇسىنعان بولاتىن. ءبىز كە­لىستىك, سەبەبى مۋلتيپلاتفورمالىق قا­عي­دانى ۇستانامىز. بىرىنشىدەن, BTS – مەملەكەتپەن جۇمىس ىستەگەن كومپانيا. ياعني ولار دەرەكتەردىڭ قاۋىپسىزدى­گىن قامتاماسىز ەتۋ بويىنشا جاۋاپكەرشى­لىك تۋرالى مەموراندۋمعا قول قويعان. ەكىنشىدەن, Aitu دا Ashyq سياقتى – جاي عانا قۇرال, وندا پتر رەسپۋبليكالىق بازاسىنداعى مالىمەتتەر ساقتالماي­دى, تەك قانا قاجەتتى اقپارات­تى ءبىر رەت­تىك كورسەتىلىم ءۇشىن ۇسىنادى», دەيدى تسيفرلىق دامۋ, يننوۆاتسيالار جانە اەروعارىش ونەركاسىبى ۆيتسە-ءمينيسترى اسەت تۇرىسوۆ.

Aitu پلاتفورماسىندا Ashyq قانات­قاقتى جوبا رەتىندە جۇمىس ىستەپ جاتىر. نەگىزى رەسمي تۇردە ىسكە قوسىلۋى كەرەك. بىراق الدىمەن فۋنكتسيالىق سىناقتان ءوتۋى كەرەك.

Aitu-داعى Ashyq-تى قالاي قولدا­نا­مىز؟ Aitu قوسىمشاسىن جۇكتەپ, «قوسىم­شالار» بولىمىندەگى «Ashyq» قو­سىم­شاسىن ەنگىزىپ, تەلەفونعا ورناتۋ كەرەك. Aitu قوسىمشاسىندا Ashyq فۋنكتسيونالى بۇرىنعى تارتىپتە جۇ­مىس ىستەيتىن بولادى. ياعني فيتنەس-ورتا­لىققا, اۋەجاي, كافە جانە تاعى باسقا دا قوعامدىق ورىندارعا كىرەردە QR-دى پايدالانىپ, مارتەبەڭىزدى انىقتاي الاسىز.

ەگەر جۇيەدە مارتەبەڭىز قىزىل تۇس­پەن ايشىقتالسا, وندا كىرۋگە رۇقسات جوق; قولدانۋشى پتر دەرەكتەر بازاسىندا ۆيرۋس جۇقتىرعان ناۋقاس­پەن بايلانىستا بولعان ادام رەتىندە كورسەتىلگەندىكتەن, كەيبىر ورىندارعا كىرۋگە رۇقسات جوق.

كوك ءتۇس پتر انىقتاماسىن كورسەتۋ مىن­دەتتى بولىپ تابىلاتىن ورىندارعا عانا كىرە المايسىز, باسقا جەرگە كىرۋگە رۇقسات.

ال جاسىل ءتۇس جانسا, ەشقانداي شەكتەۋ جوق. جاقىن ۋاقىتتا ۆاك­تسينانىڭ ەكى قۇرامىن تولىق العان قازاقستاندىقتىڭ ءبارى وسى «جاسىل مارتەبەگە» يە بولادى.

ەگەر ازاماتتىڭ سمارتفونى بولماسا, مەكەمە قىزمەتكەرى ونىڭ قانداي «تۇسكە» جاتاتىنىن جسن-ى ارقىلى تەكسەرە الادى.

 ايتپاقشى, 21 مامىردان باستاپ الماتى اۋەجايىنىڭ تەرمينالىنا دا Ashyq جۇيەسى ارقىلى كىرەتىن بولاسىز. جاقىن كۇندەرى ۆوكزالدارعا دا كىرۋ ءۇشىن اتالعان جۇيە بويىنشا تەكسەرۋدەن وتۋگە تۋرا كەلەدى.