شىعىس قازاقستان وبلىسىنداعى باتىس التاي مەملەكەتتىك تابيعي قورىعىندا 400 جىلدىق بالقاراعاي وسەدى, دەپ حابارلايدى Egemen.kz
ريددەر اۋماعىندا ورنالاسقان باتىس-التاي مەملەكەتتىك تابيعي قورىعىندا 400 جىلدىق بالقاراعاي وسەدى.
ونى جەرگىلىكتى قورىقشىلار «ورمان پاتشاسى» دەپ اتاپ كەتكەن.
«اتالعان بالقاراعاي لينەيسكي جوتاسىندا وسەدى. نەگىزگى ءدىڭىنىڭ ديامەترى – 2 مەتر, بيىكتىگى – 18,5 مەتر. جاسى – 400 جىلدان اسادى. اعاش جەمىس بەرىپ تۇر. بالقاراعايدىڭ جاڭعاعىمەن ورمانداعى بارلىق تىرشىلىك يەسى قورەكتەنەدى. ەگەر ول جەمىسسىز بولسا, تايگانىڭ تۇرعىندارى دا ءومىر سۇرە المايدى. بالقاراعايعا ەشبىر اعاش تەڭ كەلمەيدى. بۇل اعاش ءسىبىر جانە التاي حالىقتارى ءۇشىن كيەلى سانالادى», دەپ جازىلعان قورىقتىڭ Instagram جەلىسىندەگى پاراقشاسىندا.
بالقاراعاي قورىقتىڭ بارلىق اۋماعىندا وسەدى. قورىقشىلاردىڭ ايتۋىنشا, ورمان اۋماعىندا ءورت ءجيى شىقسا بالقاراعايدىڭ سانى ءبىرشاما ازايىپ كەتپەك. سوندىقتان ءوڭىر جۇرتشىلىعى ورمانعا بارعان كەزدە ءورت قاۋىپسىزدىگى تالاپتارىن قاتاڭ ساقتاۋى قاجەت.