ازەربايجاندا COVID-تولقۇجاتى ەنگىزىلەدى, دەپ حابارلايدى Egemen.kz قازاقپاراتقا سىلتەمە جاساپ.
بۇل تۋرالى ازەربايجان مينيسترلەر كابينەتى جانىنداعى جەدەل شتابتىڭ 25 مامىردا ۇيىمداستىرىلعان بريفينگى كەزىندە ازەربايجان رەسپۋليكاسى پرەزيدەنتىنىڭ كومەكشىسى – پرەزيدەنت اكىمشىلىگىنىڭ ەكونوميكالىق ماسەلەلەر جانە يننوۆاتسيالىق دامۋ ساياساتى ءبولىمىنىڭ مەڭگەرۋشىسى شاحمار موۆسۋموۆ ءمالىم ەتتى.
COVID-تولقۇجات ەكى سەرتيفيكاتتان تۇرادى. ءبىرىنشىسى – ۆاكتسينالاۋ تۋرالى سەرتيفيكات. ول ۆاكتسينانىڭ قوس دوزاسىن العاندارعا بەرىلەدى. ەكىنشىسى – يممۋنيتەت تۋرالى سەرتيفيكات. بۇل سەرتيفيكات ۆيرۋس جۇقتىرعان جانە ساۋىعىپ شىققان تۇلعالارعا بەرىلەدى. ەكى سەرتيفيكاتتىڭ دا ەلەكتروندىق تەكسەرۋ مۇمكىندىگى بار QR-كود بولادى.
پرەزيدەنت كومەكشىسى ادامدا وسى سەرتيفيكاتتاردىڭ ءبىرىنىڭ بولۋى وعان سپورتتىق-ساۋىقتىرۋ نىساندارىنا بارۋعا مۇمكىندىك بەرەدى. ال COVID-تولقۇجاتى جوق ادامدار ازىرگە بۇل نىساندارعا بارا المايدى. شاحمار موۆسۋموۆ سونداي-اق COVID-تولقۇجات باستاپقىدا سپورتتىق ورتالىقتاردا قولدانىلاتىنىن اتاپ ءوتتى.
الايدا بولاشاقتا بۇل قۇجات يەلەرى باسقا قىزمەتتەر – كونتسەرتتەر, تەاترلار, ۇيلەنۋ تويلارى جانە وزگە ءىس-شارالارعا بارا الادى.