اقدم ءدىن ىستەرى كوميتەتى ءدىن سالاسىنداعى وزەكتى ماسەلەلەردى جاستارمەن تالقىلاۋعا ارنالعان «YZ CLUB» جاڭا ديالوگ الاڭىن ىسكە قوستى, دەپ حابارلايدى Egemen.kz.
ديالوگ الاڭى اتاۋىنىڭ نەگىزىنە Y (1980-1997 ج.ت.) جانە Z (1997-2015 ج. ت.) بۋىندارىنىڭ بەلگىلەرى الىندى.كلۋب شەڭبەرىندە كوميتەت جاستار قوعامداستىعى وكىلدەرىمەن تۇراقتى تۇردە كەزدەسۋلەر وتكىزەتىن بولادى.ديالوگ پلاتفورماسىنىڭ جۇمىسى 2021 جىلدىڭ 21 مامىرىندا وتكەن كوميتەت توراعاسى ەرجان نۇكەجانوۆتىڭ «VERSUS» جاس ءدىنتانۋشىلار قاۋىمداستىعى وكىلدەرىمەن كەزدەسۋىنەن باستالدى.كەزدەسۋ نۇر-سۇلتان قالاسىنداعى بەيبىتشىلىك پەن كەلىسىم سارايىنىڭ جانىنداعى ساياباقتا, قاتىسۋشىلار اراسىندا اشىقتىق, سەنىم جانە كەلىسىم اتموسفەراسىندا ءوتتى.كەزدەسۋ بارىسىندا ءدىنتانۋ جانە تەولوگيا ماماندىقتارىنىڭ تۇلەكتەرىن جۇمىسقا ورنالاستىرۋ, الەۋمەتتىك جەلىلەردەگى ءدىني ەكسترەميزمنىڭ الدىن الۋ بويىنشا جۇمىسقا جاستار مەن ازاماتتىق قوعامدى تارتۋ, سونداي-اق ءدىن سالاسىنداعى جاڭا جوبالار مەن تاسىلدەردى بىرلەسىپ ازىرلەۋ ماسەلەلەرى تالقىلاندى.كەزدەسۋ قورىتىندىسى بويىنشا تاراپتار ەلدەگى ءدىني احۋالدى جاقسارتۋ ماقساتىندا ءوزارا ءىس-قيمىل مەن ىنتىماقتاستىقتى نىعايتۋدى جالعاستىرۋعا كەلىستى.«YZ CLUB» ديالوگ الاڭى شەڭبەرىندە ءىس-شارالار وتكىزۋ ءدىن سالاسىنداعى وزەكتى ماسەلەلەردى بىرلەسىپ شەشۋگە جاستاردى تارتۋعا جانە ەلدە ءدىني ەكسترەميزم يدەولوگياسىنىڭ تارالۋىنا جول بەرمەۋ ماسەلەلەرىندە ازاماتتىق سانا دەڭگەيىن ارتتىرۋعا مۇمكىندىك بەرەدى دەپ كۇتىلۋدە.