بۇگىن پرەزيدەنت قاسىم-جومارت توقاەۆتىڭ توراعالىعىمەن جوعارى ەۋرازيالىق ەكونوميكالىق كەڭەستىڭ كەزەكتى وتىرىسى وتەدى. بۇل تۋرالى قر پرەزيدەنتىنىڭ ءباسپاسوز حاتشىسى بەرىك ءۋالي جەلىدەگى پاراقشاسىندا جاريالادى, دەپ حابارلايدى Egemen.kz
جيىن نۇر-سۇلتان قالاسىنىڭ ۋاقىتىمەن ساعات 15:00-دە «حابار24» تەلەارناسى مەن قر پرەزيدەنتى ءباسپاسوز قىزمەتىنىڭ Facebook الەۋمەتتىك جەلىسىندەگى پاراقشاسىنان تىكەلەي ەفيردە كورسەتىلەدى.
وتىرىستا جوعارى ەۋرازيالىق ەكونوميكالىق كەڭەستىڭ قۇرمەتتى توراعاسى, قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ, رەسەي فەدەراتسياسىنىڭ پرەزيدەنتى ۆلاديمير پۋتين, بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو, قىرعىز رەسپۋبليكاسىنىڭ پرەزيدەنتى سادىر جاپاروۆ, ارمەنيا رەسپۋبليكاسى پرەمەر-ءمينيسترىنىڭ مىندەتىن اتقارۋشى نيكول پاشينيان, ەۋرازيالىق ەكونوميكالىق كوميسسيا القاسىنىڭ توراعاسى ميحايل مياسنيكوۆيچ ءسوز سويلەيدى. سونداي-اق كۋبا رەسپۋبليكاسىنىڭ پرەزيدەنتى ميگەل دياس-كانەل جانە وزبەكستان رەسپۋبليكاسىنىڭ پرەزيدەنتى شاۆكات ميرزيوەۆ جوعارى ەۋرازيالىق ەكونوميكالىق كەڭەس جانىنداعى باقىلاۋشى-مەملەكەت باسشىلارى رەتىندە قاتىسادى. ەسكە سالساق, 21 مامىردا قر پرەزيدەنتىنىڭ توراعالىعىمەن جوعارى ەۋرازيالىق ەكونوميكالىق كەڭەستىڭ وتىرىسى وتەتىنى تۋرالى بۇعان دەيىن حابارلادىق. سونىمەن قاتار, قر پرەزيدەنتىنىڭ جانىنداعى قازاقستان ستراتەگيالىق زەرتتەۋلەر ينستيتۋتى قازاقستاندىقتاردىڭ ەاەو جانە ەلىمىزدىڭ وسى ۇيىمداعى رولىنە قاتىستى نە بىلەتىندىگى تۋرالى ساۋالناما جۇرگىزدى.