باتىس قازاقستاندا ۆاكتسينا تاپشىلىعى جوق

مامىردىڭ 20-سى كۇنى الىن­عان مالى­مەتكە قاراعاندا, وب­لىس اۋماعىندا پان­دەميا باس­تالعالى 21 503 وقيعا تىر­كەلگەن. مۇ­نىڭ ىشىندە 16 633 ادام جا­زى­لىپ شىقسا, 319 ادام وسى دەرت­تەن قايتىس بولدى. سوڭعى تاۋ­لىكتە جا­ڭادان انىقتالعان سىر­قات سانى – 105 بولدى. ونىڭ 79-ىن­دا اۋرۋ بەلگىلەرى انىق باي­قالعان. دە­گەنمەن وتكەن اپتا كور­سەتكىشىمەن سا­لىستىرعاندا ۆيرۋس جۇق­تىرعاندار سانى 9%-عا تومەندەگەنى بايقالادى.

2021 جىلدىڭ باسىنان بەرى اۋىر­عاندار سانى 12 282 ادام بولسا, 7 045 ناۋقاس – ورال قالا­سىنان, 1 633 ادام – بايتەرەك اۋدا­نىنان, 1 340 ادام – ءبورلى اۋدانى­نان انىقتالعان.

وبلىستا كوروناۆيرۋستان ەم­دەيتىن 18 ينفەكتسيالىق ستاتسيو­نار جۇمىس ىستەۋدە, ونداعى 1123 كەرەۋەتتىڭ 646-سى بوس. جىل باسىنان 19 مامىرعا دەيىن وبلىستا مەكتەپ جانە بالاباقشا جا­سىنداعى 1 184 بالا ۆيرۋس جۇق­تىرعانى بەلگىلى بولدى.

دارىگەرلەر وبلىس اۋماعىن­داعى ءىرى ءوندىرىس ورىندارىنداعى ەپيدەميالىق احۋالدى دا­ قا­داعالاپ وتىر. ماسەلەن, «جايىق مۇناي» كومپانيا­سىندا جىل باسىنان بەرى 38 ادامنان كوروناۆيرۋس انىقتالسا, ونىڭ ءبارى دە جۇمىس ۋا­قىتىنان تىس كەز­دە جۇق­تىرعانى بەلگىلى بولدى. شىنار مۇناي-گاز كەنىشىندە ءبىر دە ءبىر جۇمىسشى اۋرۋمەن تىركەلمەگەن. ال قاراشىعاناق پەترولەۋم وپەرەيتينگ كومپانياسىندا 1 قاڭتاردان بەرى 133 اۋرۋ تىركەلدى, ونىڭ 32-سىنەن ۆيرۋس ۆاحتا باستالاردا, 50 ادام­نان – ۆاحتا كەزەگى اياقتالعان ۋاقىتتا انىقتالعان.

–  كوروناۆيرۋسقا قارسى ين­فەكتسيالىق ستاتسيونارلاردا 355 قىز­مەتكەر جۇمىس ىستەيدى, ونىڭ 74-ءى – دارىگەر, 155-ءى – ورتا بۋىندى مەديتسينا قىزمەتكەرى, 126-سى – كىشى مەديتسينا پەرسونالى. ەپي­دەمياعا قارسى قۇرىلعان ور­تا­لىقتاردا مامان تاپشىلىعى جوق, – دەيدى وبلىستىق دەنساۋلىق ساق­تاۋ باسقارماسىنىڭ ءباس­پاسوز حاتشىسى ساۋلە زاعيدۋللينا.

وڭىردە ءبىر تاۋلىكتە 6 مىڭ ادامدى تەكسەرە الاتىن 13 زەرتحانا جۇمىس ىستەپ تۇر. بۇگىنگە دەيىن وبلىستا 559 011 پتر زەرتتەۋ جا­سالسا, سونىڭ 3 092-ءسى سوڭعى تاۋ­لىكتە شىعارىلعان.

ۆيرۋس تارالۋىنىڭ الدىن الۋ, كارانتين تالاپتارىنىڭ ساقتا­لۋىن قاداعالاۋ ءۇشىن وبلىستا 170 مونيتورينگ توبى جۇمىس ىستەۋدە. جىل باسىنان بەرى ءتار­تىپ بۇزعاندارعا 267 حاتتاما تول­تىرىلعان, 16 583 145 تەڭگە ايىپپۇل سالىنعان. سوڭعى اپتادا 8 حاتتاما جاسالىپ, 350 040 تەڭگە ايىپ سالىنعان ەكەن. جوعارىدا سالىنعان ايىپپۇلدىڭ 65-ءى – ءدارى-دارمەك باعاسىن ورىنسىز كوتەرگەن, تىركەلمەگەن دارمەكتى ساتقان ءدارىحانا يەلەرىنە تيەسىلى.

سوڭعى دەرەككە قاراعاندا باتىس قازاق­ستان وبلىسىندا كوروناۆيرۋسقا قارسى ۆاك­تسينانىڭ ءبىرىنشى دوزاسىن 64 037 ادام, ەكىنشى كومپونەنتىن 25 282 ادام الىپ ۇلگەرگەن. جالپى, وڭىرگە سپۋتنيك V ۆاكتسيناسىنىڭ ءى كومپونەنتىنەن – 84 050 دوزا; ءىى كومپونەنتىنەن – 44 510 دوزا كەلگەن ەدى. دەنساۋلىق ساقتاۋ باسقارماسى وب­لىستا ۆاكتسينانىڭ 6 860 دانا ەكىنشى دوزاسى ءازىر تۇرعانىن حابارلادى. رەسپۋبليكا باس سانيتار دارىگەرىنەن تۇسكەن سوڭعى وز­گەرىس­تەرگە سايكەس ەكى دوزانىڭ اراسى 45 كۇنگە ۇزارتىلعان. بۇدان بولەك, وبلىستا 22 000 دوزالىق Hayat Vax اراب ۆاكتسيناسى دا بار. حالىق قانداي ۆاكتسينانى تاڭدايتىنىن ءوزى شەشەدى.

باتىس قازاقستان وبلىسى