قازاقستان رەسپۋبليكاسى پارلامەنتىنىڭ سەناتى بۇقارالىق اقپارات قۇرالدارىنىڭ وكىلدەرى اراسىندا «امانات» كونكۋرسىنىڭ باستالعانىن جاريالادى, دەپ حابارلايدى Egemen.kz.
VII شاقىرىلعان پارلامەنتتىڭ ءى سەسسياسى اشىلعان كۇننەن باستاپ 20 مامىرعا دەيىن سەنات قىزمەتىن جاريا ەتۋ جونىندەگى اۆتورلىق ۇجىمداردىڭ دا, جەكەلەگەن اۆتورلاردىڭ دا باق-تا جاريالانعان ماتەريالدارى كونكۋرسقا قاتىسۋعا جىبەرىلەدى.
«سىزدەردى كونكۋرسقا قاتىسۋعا جانە ءوز جۇمىستارىڭىزدى جىبەرۋگە شاقىرامىز. كونكۋرس قاعيداسىنىڭ تولىق ءماتىنى جانە وتىنىشكە قاجەتتى بلانكى سەناتتىڭ رەسمي سايتىنداعى «باق-قا ارنالعان» بولىمىندە ورنالاستىرىلدى. ماتەريالداردى قابىلداۋ 10 ماۋسىمدا اياقتالادى. كونكۋرس قورىتىندىسى قر بۇقارالىق اقپارات قۇرالدارى قىزمەتكەرلەرىنىڭ كۇنىنە وراي شىعارىلىپ, لاۋرەاتتار جاريالانادى. ماتەريالداردى سەناتتىڭ ءباسپاسوز قىزمەتىنىڭ Senat_Press@parlam.kz ەلەكتروندىق پوشتاسىنا جىبەرۋ قاجەت. انىقتاما تەلەفوندارى: 74-72-39, 74-72-40», دەلىنگەن حابارلامادا.