جازعى ماۋسىم قارساڭىندا حالىقتىڭ سۇرانىسىن قاناعاتتاندىرۋ ءۇشىن «جولاۋشىلار تاسىمالى» اق «تالگو» ۆاگوندارىنان قۇرالعان ءتورت كوممەرتسيالىق پويىزدى ىسكە قوسادى, دەپ حابارلايدى Egemen.kz.
2021 جىلدىڭ 1 ماۋسىمىنان باستاپ:
1) «نۇر-سۇلتان نۇرلى جول – اتىراۋ» باعىتىنداعى №19/20 پويىز كۇن سايىن نۇر-سۇلتان نۇرلى جول ستانتسياسىنان تاق ساندار بويىنشا, اتىراۋ ستانتسياسىنان جۇپ ساندار بويىنشا جونەلتىلەدى;
2) «الماتى-2 – نۇر-سۇلتان نۇرلى جول» باعىتىنداعى №701/702 پويىزى كۇن سايىن قاتىنايدى. 2 ماۋسىمنان باستاپ نۇر-سۇلتان نۇرلى جول ستانساسىنان «نۇر-سۇلتان نۇرلى جول – ورال» باعىتىنداعى №95/96 پويىزى نۇر-سۇلتان نۇرلى جولدان جۇپ ساندار بويىنشا, ال ورال ستانساسىنان تاق ساندار بويىنشا جونەلتىلەتىن بولادى.
3 ماۋسىمنان باستاپ «الماتى-2 – تۇركىستان» باعىتىنداعى №71/72 پويىز الماتى-2 ستانساسىنان تاق ساندار بويىنشا, ال تۇركىستان ستانساسىنان جۇپ ساندار بويىنشا قاتىنايتىن بولادى.
جولاۋشىلار پويىزدارىنىڭ قوزعالىس كەستەسى تۋرالى بارلىق اقپاراتتى «105» انىقتاما قىزمەتىنەن سۇراستىرۋعا بولادى.