بيىل ەلوردادا الاش ارىستارىنا ەسكەرتكىش ورناتۋ جوسپارلانعان. بۇل تۋرالى قر پرەمەر-ءمينيسترىنىڭ ورىنباسارى ەرالى توعجانوۆ ءماجىلىس دەپۋتاتتارىنا بەرگەن جاۋابىندا ايتتى, دەپ حابارلايدى Egemen.kz.
«نۇر-سۇلتان قالاسى اكىمدىگىنىڭ مالىمەتىنە سايكەس, تۇران داڭعىلى مەن سىعاناق كوشەلەرىنىڭ قيىلىسىنداعى اللەياعا «الاش» اتاۋىن بەرۋ ماسەلەسى الداعى ۋاقىتتا قالالىق ونوماستيكا كوميسسياسىنىڭ كەزەكتى وتىرىسىندا تالقىلانادى. سونىمەن بىرگە استانا اكىمشىلىگى وسى جىلى الاش ارىستارىنا ەسكەرتكىش ورناتۋدى جوسپارلاپ وتىر. قازىرگى ۋاقىتتا ەسكەرتكىشتى ورنالاستىرۋ نۇسقالارى قاراستىرىلۋدا. جالپى الاش قايراتكەرلەرىنىڭ ەسىمىن ۇلىقتاۋ جۇمىستارى جالعاسۋدا جانە ۇكىمەتتىڭ تۇراقتى باقىلاۋىندا», دەدى ە. توعجانوۆ ساۋالعا بەرگەن جاۋابىندا.