قازگيدرومەت سينوپتيكتەرى 20 مامىرعا ارنالعان اۋا رايى بولجامىن جاريالادى, دەپ حابارلايدى Egemen.kz.
«قازاقستان تەرريتورياسىنىڭ باسىم بولىگىندە تۇراقسىز اۋا رايى ساقتالادى, اتموسفەرالىق فرونتالدى بولىكتەردىڭ وتۋىمەن كەي جەرلەردە نايزاعايمەن جاڭبىر جاۋادى. ەلىمىزدىڭ تەك وڭتۇستىك-باتىسىندا جاۋىن-شاشىنسىز اۋا رايى بولادى. رەسپۋبليكانىڭ كەي جەرلەرىندە تۇمان, داۋىل, جەلدىڭ كۇشەيۋى, بۇرشاق جاۋى ىقتيمال», دەلىنگەن اقپاراتتا.
شىعىس قازاقستان, جامبىل, باتىس قازاقستان, سولتۇستىك قازاقستان وبلىستارىنىڭ كەي جەرلەرىندە داۋىل, جەلدىڭ كۇشەيۋى 15-20 م/س جەتەدى, بۇرشاق جاۋى ىقتيمال.
الماتى وبلىسىندا جەل ەكپىنى 23-28 م/س جەتەدى, بۇرشاق جاۋادى.
تۇركىستان وبلىسىندا جەل 15-20 م/س, تاڭەرتەڭ جانە كۇندىز كەي جەرلەردە داۋىل سوعادى.
پاۆلودار, قوستاناي وبلىستارىنىڭ كەي جەرلەرىندە تۇمان ءتۇسىپ, جەلدىڭ كۇشەيۋى 15-20 م/س جەتەدى.
ماڭعىستاۋ وبلىسىندا تۇمان ءتۇسىپ, تۇندە جەلدىڭ كۇشەيۋى 15-20 م/س جەتەدى.
اقمولا, اتىراۋ, قاراعاندى, قىزىلوردا, كۇندىز اقتوبە وبلىسىنىڭ كەي جەرلەرىندە جەل 15-20 م/س, قاراعاندى وبلىسىندا ەكپىنى 25 م/س بولادى.
سولتۇستىك قازاقستان, اقمولا, قاراعاندى وبلىستارىندا تۇندە 2 گرادۋس ۇسىك جۇرەدى.
قىزىلوردا وبلىسىنىڭ باسىم بولىگىندە, اتىراۋ وبلىسىنىڭ كەي جەرلەرىندە, الماتى, شىعىس قازاقستان, پاۆلودار وبلىستارىنىڭ جەكەلەگەن اۋداندارىندا وتە جوعارى ءورت قاۋپى بولۋى مۇمكىن.