ەلىمىزدە 1200-گە جۋىق اۋىلدار ءالى كۇنگە دەيىن اۋىز سۋمەن قامتىلماعان. بۇل تۋرالى ءماجىلىس دەپۋتاتى ەرلان سايروۆ ايتتى, دەپ حابارلايدى Egemen.kz.
«تاۋەلسىزدىك العالى 30 جىل ىشىندە ەلىمىزدەگى اۋىزسۋ ماسەلەسىنە 1 ترلن تەڭگە قاراجات جۇمسالعان. قازاقستاندا 1200-گە جۋىق اۋىل-ايماق ءالى كۇنگە دەيىن اۋىز سۋدىڭ زاردابىن تارتىپ وتىر. مەملەكەت باسشىسى 2025 جىلعا دەيىن ەلىمىزدە اۋىزسۋ ماسەلەسى 100% وڭ شەشىم تابۋ كەرەكتىگىن ايتتى. الايدا, بۇل ماسەلەدە شەشىلمەگەن پروبلەمالار كوپ», دەيدى Nur Otan پارتياسى جانىنداعى سىبايلاس جەمقورلىققا قارسى ءىس-قيمىل جونىندەگى قوعامدىق كەڭەستىڭ توراعاسى ەرلان سايروۆ.
ونىڭ ايتۋىنشا, اۋىزسۋ ماسەلەسىن شەشۋ جولدارى اكىمدىكتەگىلەر مەن مينيسترلىكتەگىلەر ارقىلى قارجىلاندىرىلادى.
ء«دال وسى باعىتتا ماسەلەلەر كوپ. ماسەلەن, شىعىس قازاقستان, الماتى وبلىستارىندا اۋىلدان ەكى شاقىرىمدىق جەرلەردە سۋ شىعاراتىن ۇلكەن ناسوستار ورناتىلعان. ءاربىر ناسوسقا 30-40 ملن تەڭگە كەتەدى. بىراق اۋىلدارعا ماگيسترال تارتىلماعان. ەندى ماگيسترال تارتىلعانشا ناسوستار ىستەن شىعادى. سوندا حالىقتىڭ اقشاسىنىڭ ءبارى جەلگە ۇشىپ جاتىر. اۋىزسۋ ماسەلەسىن شەشۋ ءۇشىن بارلىعىن رەتىمەن ويلاستىرعان ءجون. نۇمقۇرايلىلىق – جەمقورلىقتىڭ ءتۇپ تامىرى», دەيدى حالىق قالاۋلىسى.