ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ 25 جىلدىق مەرەيتويى اياسىندا رەسپۋبليكالىق قوعامدىق-ساياسي «Aiqyn» گازەتىنىڭ ارنايى اۋديتورياسى مەن «مەدياديزاين» زەرتحاناسىنىڭ اشىلدى, دەپ حابارلايدى Egemen.kz.
«Aiqyn» رەسپۋبليكالىق قوعامدىق-ساياسي گازەتى مەن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ءوزارا ارىپتەستىك ءارى شىعارماشىلىق بايلانىس ورناتىلعان. گازەتتىڭ باس رەداكتورىنىڭ باستاماسىمەن 2020 جىلى جۋرناليستيكا جانە ساياساتتانۋ فاكۋلتەتىنىڭ ستۋدەنتتەرىن شىعارماشىلىققا باۋلۋ ماقساتىندا «مەنتور جانە مەنتي» جوباسى جۇزەگە اسىرىلدى.
جوبانىڭ ماقساتى – ستۋدەنتتەردى ءتۇرلى سالاداعى ساراپتامالىق ماتەريال جازۋعا ۇيرەتۋ, ءۇش ايلىق تاجىريبەدەن كەيىن ۇزدىك تانىلعان ستۋدەنتتى جۇمىسپەن قامتۋ. جوبا بارىسىندا گازەت ۇجىمى ستۋدەنتتەرمەن كەزدەسىپ, ەكونوميكا, ساياسات, رۋحانيات, سپورت, حالىقارالىق بايلانىس جايلى كەڭەس بەردى.
«Aiqyn» رەسپۋبليكالىق قوعامدىق-ساياسي گازەتى ارنايى اۋديتورياسىن جاساۋ يدەياسى ەكىجاقتى كەلىسىم اياسىندا جۇزەگە اسىرىلدى. گازەت ۇجىمى ءوز قاراجاتىنا اۋديتوريانى زاماناۋي ستيلدە بەزەندىردى. وندا اقپارات كەڭىستىگىندەگى تانىمال الەمدىك باسىلىمدار مەن وتاندىق گازەتتەردىڭ اتاۋى مەن الاش قايراتكەرلەرىنىڭ باسپاسوزگە قاتىستى ويلارى جازىلعان. الداعى ۋاقىتتا ارنايى اۋديتوريادا وقۋ ۇدەرىسىندەگى دارىستەر مەن گازەت ۇجىمىنىڭ ارنايى سەمينارلارى وتەدى.
«مەدياديزاين» زەرتحاناسى – جۋرناليستيكا, باسپا ءىسى ءبىلىم بەرۋ باعدارلامالارى بويىنشا بەزەندىرۋ پروگراممالارىن ۇيرەنۋگە, ستۋدەنتتەردىڭ جاتتىعۋ گازەتتەرى مەن كىتاپتارىن شىعارۋعا ارنالعان اۋديتوريا. زەرتحانادا ديزاين جاساۋعا قابىلەتتى جاڭا كومپيۋتەر كەشەنى, باسپا ونىمدەرىن دايىندايتىن ءتۇرلى قۇرالدار مەن پرينتەرلەر, سونداي-اق ستۋدەنتتەردىڭ شىعارماشىلىق جۇمىستارىنان جاسالعان كورمە قويىلعان.
زەرتحانادا Adove Premiere, InDesign, CorelDRAW, Adove Photoshop ليتسەنزيالانعان باعدارلامالارى بار. وندا «Web ديزاين نەگىزدەرى», «باسپا جانە ونلاين باق ديزاينى», «مەرزىمدى باسىلىمدار ديزاينى», «فوتوجۋرناليستيكا» پاندەرى بويىنشا تاجىريبەلىك جانە زەرتحانالىق ساباقتار جۇرگىزىلەدى. ستۋدەنتتەردىڭ شىعارماشىلىق شەبەرلىگىن عانا ەمەس, اقپاراتتىق تەحنولوگيا مۇمكىندىكتەرىن يگەرۋگە باعىتتالعان زەرتحانا بولاشاقتا امبەباپ ماماندار دايىنداۋعا قىزمەت ەتەدى.