بولگاريانىڭ استاناسى – سوفيادا وليمپيا ويىندارىنىڭ سوڭعى جولدامالارى ساراپقا سالىنۋدا. بۇگىنگى جارىس كۇنىن گرەك-ريم كۇرەسى شەبەرلەرى قورىتىندىلاۋدا, دەپ حابارلايدى Egemen.kz.
وكىنشىكە قاراي, 97 كەلىگە دەيىنگى سالماقتا بەلدەسكەن ولجاس سىرلىباي العاشقى اينالىمدا جاپونيالىق يۋتا نارامەن كەزدەسىپ, 1:2 ەسەبىمەن جەڭىلىپ قالدى. سول سەكىلدى ءالىمحان سىزدىقوۆتىڭ دا جولى بولمادى. 130 كيلو سالماقتا كۇش سىناسقان قانداسىمىز رۋمىنيالىق الەن الەكۋك چۋراريۋعا ەسە جىبەردى. نەگىزى بۇل باسەكە 1:1 ەسەبىمەن تەڭ اياقتالعان ەدى. الايدا سوڭعى ۇپايدى قارسىلاسى جاساعاندىقتان جەڭىس سونىڭ ۋىسىندا كەتتى.
67 كيلو سالماقتا ونەر كورسەتىپ جاتقان المات كەبىسباەۆ تۇساۋكەسەر كەزدەسۋىندە ۆەنەسۋەلانىڭ وكىلى ەنتوني حاۆەر پالەنسيا پۋەنتەسپەن 5:3 ەسەبىمەن ۇتتى. كەلەسى كەزەڭدە ول تۇركيالىق ەنەس باشارمەن بەلدەسەدى.