اتىراۋدا تاۋەلسىزدىكتىڭ 30 جىلدىعىنا بايلانىستى قولعا الىنعان «30 يگى ءىس» اكتسياسى ء وتتى, دەپ حابارلايدى Egemen.kz
اكتسيا اياسىندا 2 مىڭنان استام قالا تۇرعىنىنا ازىق-ت ۇلىك پەن قارجىلاي كومەك بەرىلدى.
قايىرىمدىلىق مارافونى قازاقستان حالقىنىڭ بىرلىگى كۇنى قارساڭىندا «اباي» ورتالىعىندا ءوتتى. «ەلىمىزدە تاۋەلسىزدىكتىڭ 30 جىلدىعىنا وراي «30 يگى ءىس» قايىرىمدىلىق مارافونى ءوتىپ جاتىر.
اتىراۋ وبلىسىندا دا اتالعان اكتسيا اياسىندا كوپ بالالى وتباسىلارعا, ەرەكشە كۇتىمدى قاجەت ەتەتىن بالالاردىڭ انالارىنا, جالعىزباستى انالارعا كومەك كورسەتىلۋدە. مەيىرىمدىلىك پەن قايىرىمدىلىق اكتسياسى جىل سوڭىنا دەيىن جالعاسادى», دەيدى وبلىس اكىمىنىڭ ورىنباسارى باقىتگۇل حامەنوۆا.
شارا بارىسىندا ەرەكشە بالالارى بار انالار مەن كوپبالالى وتباسىلارعا 15 مىڭ تەڭگەنىڭ سەرتيفيكاتى سونداي-اق, ازىق-ت ۇلىك سەبەتى مەن گۇل شوعى تابىستالدى. وسىنداي كومەك وبلىستىڭ ەكى مىڭنان استام تۇرعىنىنا كورسەتىلدى. سولاردىڭ قاتارىندا منۋپار جامبىلوۆا دا بار. ول سال اۋرۋىنا شالدىققان نەمەرەسىن تاربيەلەپ وتىر. «قىزىمنىڭ بەس بالاسى بار. بالالارىنىڭ ءبىرى تۋعانىنان سال اۋرۋىنا شالدىققان. بەس بالانى ءوسىرۋ وڭاي ەمەس. اسىرەسە, ەرەكشە قامقورلىقتى قاجەت ەتەتىن سابيگە ايرىقشا كۇتىم قاجەت. سوندىقتان, سايدا جيەنىمدى ءوز قامقورلىعىما الدىم. جيەنىمدى ەمدەتۋ ماقساتىمەن قازاقستانداعى ەڭ تانىمال كلينيكانىڭ بارىنە اپاردىق», دەيدى منۋپار جامبىلوۆا.