پاۆلودار وبلىسىنىڭ توتەنشە جاعدايلار دەپارتامەنتىنىڭ باسشىلىعىنا جاسۇلان جۇماشەۆ تاعايىندالدى. بۇل تۋرالى ءوڭىر اكىمدىگىنىڭ ءباسپاسوز وكىلدەرى مالىمدەدى, دەپ حابارلايدى Egemen.kz
جاسۇلان جۇماشەۆ بۇعان دەيىن باتىس قازاقستان وبلىستىق توتەنشە جاعدايلار دەپارتامەنتىنە باسشىلىق ەتكەن.
دەپارتامەنتتىڭ جاڭا باسشىسىن قۇقىق قورعاۋ وكىلدەرىنە جانە پاۆلودار وبلىسىنىڭ اكىمى ابىلقايىر سقاقوۆقا قر توتەنشە جاعدايلار ءمينيسترى يۋري يلين تانىستىردى.
يۋري يلين جۇماشەۆتىڭ توتەنشە جاعدايلار سالاسىنداعى جۇمىس تاجىريبەسىن اتاپ ءوتتى.
وبلىس اكىمى دەپارتامەنت باسشىسىنا ساتتىلىك تىلەپ, وڭىردە ەكى جىلدان استام توتەنشە جاعدايلار دەپارتامەنتىنىڭ باسشىسى بولعان ەرنۇر وتەگەنوۆكە ساتتىلىك تىلەدى. كادرلىق روتاتسياعا سايكەس, وتەگەنوۆ ەندى باتىس قازاقستان وبلىسىنىڭ توتەنشە جاعدايلار دەپارتامەنتىن باسقارادى.