بيىل قازاقتىڭ كورنەكتى اقىنى, مەملەكەتتىك سىيلىقتىڭ يەگەرى كۇلاش احمەتوۆا 75 جاسقا تولىپ وتىر, دەپ حابارلايدى Egemen.kz
اقىننىڭ ءار جىلدارى «اق گ ۇلىم مەنىڭ», «سەن مەنىڭ باقىتىمسىڭ», «بۇلاقتاعى جۇلدىزدار», «مەيىرىم», «جاپىراق – جازدىڭ جۇرەگى» اتتى ولەڭدەر جيناعى جارىق كورىپ, وقىرماننان لايىقتى باعاسىن العان. ءار كەزەڭدە كۇلاش اقىن تۋرالى ءابدىلدا تاجىباەۆ, تاكەن الىمقۇلوۆ, جۇمەكەن ناجىمەدەنوۆ, قادىر مىرزاليەۆ, ءابىش كەكىلباەۆ سياقتى ايگىلى تۇلعالار جوعارى پىكىر بىلدىرگەن.
«قازاق پوەزياسىنىڭ اق گ ۇلى» اتانعان ارداقتى اقىن بۇل كۇندە تاراز قالاسىندا تۇرادى. جامبىل وبلىسىنىڭ اكىمى بەردىبەك ساپارباەۆ اقىن كۇلاش احمەتوۆانىڭ شاڭىراعىنا مەرەيتويىمەن ارنايى قۇتتىقتاپ باردى. كەزدەسۋ بارىسىندا بەلگىلى قالامگەرگە قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ قۇتتىقتاۋ حاتىن وقىپ بەردى. مەملەكەت باسشىسى قاسىم-جومارت كەمەل ۇلى كۇلاش احمەتوۆانىڭ ولەڭدەرىنىڭ ومىرشەڭدىگىن اتاپ وتكەن. ونىڭ شىعارماشىلىعىنداعى ليريكالىق وبرازدار جارقىن ءارى ناقتى سۋرەتتەلىپ, دۇنيەدەگى قۇبىلىستار اقىن كوزقاراسىمەن وقىرماندارىن ەرىكسىز باۋرايتىندىعى ايتىلعان. ءوز قۇتتىقتاۋىندا پرەزيدەنت كۇلاش احمەتوۆاعا زور دەنساۋلىق جانە شىعارماشىلىق تابىس تىلەگەن. مەملەكەت باسشىسىنىڭ قۇتتىقتاۋىن جەتكىزگەن وبلىس اكىمى اقىندى مەرەيتويىمەن قۇتتىقتاپ, گۇل شوقتارىن تابىس ەتتى.
ء«سىزدىڭ ولەڭدەرىڭىزدى بىرنەشە جاس بۋىن ۇرپاق ءسۇيىپ وقىپ, ءوستى. شىعارماشىلىعىڭىزدىڭ نەگىزى ادال دوستىق پەن ماحاببات, جومارتتىق پەن پاتريوتيزم دەسەك, سول ارقىلى جاس ۇرپاقتى دۇرىس جولعا تاربيەلەۋگە ۇلەس قوسىپ كەلەسىز. ءسىزدىڭ پاراساتتى پوەزياڭىز ارقىلى قالىڭ وقىرمان وي ءتۇيىپ, جاقسىلىققا ۇمتىلىپ, بويىن تۇزەيدى», دەدى بەردىبەك ساپارباەۆ.
بۇگىندە جەتپىس بەستىڭ بەلەسىنە كوتەرىلىپ وتىرعان كۇلاش احمەتوۆا 2006 جىلى قازاقستان رەسپۋبليكاسى مەملەكەتتىك سىيلىعىنىڭ لاۋرەاتى اتاندى. جامبىل وبلىسىنىڭ قۇرمەتتى ازاماتى, «قۇرمەت» وردەنىنىڭ يەگەرى.
اقىننىڭ شىعارمالارى الەمنىڭ كوپتەگەن تىلدەرىنە اۋدارىلعان. اقىن مەرەيتويىنا وراي, جۋىردا عانا كۇلاش احمەتوۆانىڭ جاڭا بەس تومدىق شىعارمالار جيناعى جارىق كورىپ, وقىرمانعا جول تارتتى.
ال كارانتيندىك شەكتەۋلەرگە بايلانىستى مەرەيتويلىق نەگىزگى شارالار كۇز مەزگىلىندە وتەدى دەپ جوسپارلانۋدا. سوعان وراي اقىننىڭ وتان تۋرالى جاڭا كىتابى دا جارىق كورەدى دەپ كۇتىلۋدە. وعان ەلىمىزدىڭ ءار ايماعىنداعى تابيعاتتىڭ سۇلۋ كورىنىستەرى سۋرەتتەلگەن ولەڭدەر توپتاماسى ەنەتىن بولادى.