الماتى ماڭىنداعى «Aport Mall» ساۋدا ورتالىعىنا جارىلعىش زات قويىلدى دەگەن اقپارات تارادى. وبلىستىق پوليتسيا دەپارتامەنتى جاعدايعا تۇسىنىكتەمە بەردى, دەپ حابارلايدى Egemen.kz
«Aport Mall-عا بومبا قويىلدى دەپ جاتىر, ادامدار ەۆاكۋاتسيالاندى», دەيدى كۋاگەرلەر.
الماتى وبلىستىق پوليتسيا دەپارتامەنتى جاعدايعا تۇسىنىك بەردى.
«23 ساۋىردە شامامەن 10:00 كەزىندە قاراساي اۋداندىق پوليتسيا باسقارماسىنىڭ كەزەكشى بولىمىنە «Aport Mall» ساۋدا جانە ويىن-ساۋىق ورتالىق اۋماعىنا جارىلعىش زات قويىلعانى تۋرالى اقپارات ءتۇستى. قازىر بارلىق شۇعىل تەكسەرۋ قىزمەتى مەن ىزدەستىرۋ شارالارى جۇرگىزىلىپ جاتىر. اۋماق قورشالىپ, ورتالىقتىڭ قىزمەتكەرلەرى مەن كەلۋشىلەرى قاۋىپسىز جەرگە كوشىرىلدى», دەپ حابارلادى پد وكىلدەرى.
ايتا كەتەيىك, بۇگىن الماتىداعى ساۋدا ورتالىعىنىڭ بىرىندە بومبا قويىلدى دەگەن اقپارات تاراعان بولاتىن.
گاۋحار قاپاش