كوپ قاباتتى تۇرعىن ۇيگە سۇرانىس كوبەيدى

قالاداعى «اسار», «تۇران» شا­عىن اۋداندارىندا جانە ارعىنبەكوۆ كوشە­سىنىڭ بويىندا كوپ قاباتتى تۇرعىن ۇيلەر بوي كوتەرۋدە. باسپا­نالاردىڭ قۇرىلىسىن بىرقاتار ءىرى كومپانيا جۇرگىزىپ جاتىر. سالا ماماندارىنىڭ ايتۋىنشا, ءبىرىنشى كەزەكتە ساپاعا ءمان بەرىلىپ, قۇرىلىس جۇمىستارىن ۋاقتىلى اياقتاۋ مەجەلەنگەن.

شىمكەنتتە مەملەكەتتىك باعدار­لاما ارقىلى سالىنعان سۋ جاڭا پاتەرلەردى بەرۋدە ءبىرىنشى كەزەكتە كوپ بالالى وتباسىلارعا باسىمدىق بەرىلۋدە. كۇنى كەشە 100-دەن استام كوپ بالالى وتباسى باسپانالى بولىپ, قونىس تويىن تويلادى. تۇرعىن ءۇي باسقارماسىنىڭ باسشىسى ازامات رىسجانوۆتىڭ ايتۋىنشا, 2021 جىل­عى I توقساننىڭ قورىتىندىسى بو­يىنشا 2 796 ء(ار ايدا 932) ازامات تۇرعىن ءۇي كەزەگىنە تىركەلدى. شىمكەنت قالاسى بويىنشا تۇرعىن ءۇي الۋ تىزىمىندە 43 906 ازامات بار.

وسى جىلدىڭ باسىندا 976 وتباسىنى جالعا بەرىلەتىن پاتەرمەن قامتۋ جوسپارلانعان بولاتىن. بۇگىنگى تاڭدا جۇمىس ىستەيتىن جاستارعا 300 پاتەر بويىنشا تۇرعىن ءۇي كوميس­سياسىنىڭ شەشىمى قابىلدانىپ, پاتەر­لەردىڭ كىلتتەرى بەرىلىپ جاتىر. 1 ساۋىردە 161 پاتەر بويىنشا تۇرعىن ءۇي كو­ميسسياسىنىڭ شەشىمى شىقتى. بۇل رەتتە جەتىم بالالارعا 10 پاتەر, كوپ­ بالالى وتباسىلارعا 106 پاتەر, حالىقتىڭ الەۋمەتتىك جاعىنان ءالسىز توبىنا 45 پاتەر بەرىلەدى. كوميس­سيانىڭ كەلەسى وتىرىسى مامىر ايىندا وتەدى دەپ كۇتىلۋدە.

2021 جىلدىڭ سوڭىنا دەيىن كەزەكتە تۇرعان ازاماتتاردى باسپانامەن قامتاماسىز ەتۋ ءۇشىن 1 580 پاتەر ساتىپ الۋ جوسپارلانعان. پاتەر ساتىپ الۋعا 22,5 ملرد تەڭگە قارجى ءبولىندى. نارىقتاعى جەكە قۇرىلىس سالۋشىلاردىڭ ءتىزىمى انىقتالىپ, تالداۋ جۇمىستارى جۇرگىزىلۋدە.

جىل سوڭىنا دەيىن كرەديتتىك نەگىزدە 4 197 وتباسىنى پاتەرمەن قامتۋ كوزدەلۋدە. 2021 جىلى مامىر ايىندا جەرگىلىكتى بيۋدجەت ەسەبىنەن باستاپقى جارنا ءۇشىن 300 ملن تەڭگەگە دەيىن ء(ار ازاماتقا 1 ملن تەڭگەگە دەيىن) تۇرعىن ءۇي سەرتيفيكاتتارىن بەرۋ جوسپارلانعان.

سونىمەن قاتار 2021 جىلى جەر­گىلىكتى بيۋدجەت ەسەبىنەن بولىنگەن 6 ملن تەڭگەگە «تۇرعىن ءۇي سەرتيفي­كات­تارىن بەرۋ» مەملەكەتتىك كور­سە­تىلەتىن قىزمەتى اۆتوماتتاندى­رىل­دى. بۇل قىزمەت بويىنشا ازامات­تار­دىڭ قۇجاتتارىن قابىلداۋ – اقپارات­تىق جۇيەنىڭ www.kezekte.kz سايتى ارقىلى جۇزەگە اسىرىلاتىن بولادى. بۇل رەتتە تۇرعىن ۇيلەردى ۇلەستىرۋ تەك زاڭ اياسىندا, ەلەكتروندى كەزەكپەن جۇزەگە اسپاق.

ايتا كەتەرلىگى, شاھاردا جەرگى­لىكتى قۇرىلىس كومپانيالارى دا كوپ­ قاباتتى تۇرعىن ءۇي سالۋ جۇ­مىس­تارىنا بەلسەنە اتسالىسۋدا. «وڭتۇستىك قۇرىلىس سەرۆيس» جشس – وڭىردەگى ساپالى تۇرعىن ءۇي سالۋ­مەن اينالىساتىن كومپانيا. جۋىر­دا اتالعان كومپانيانىڭ شاھار ورتالىعىندا تۇرعىزعان «باقىت» تۇرعىن ءۇي كەشەنى ەل يگىلىگىنە بەرىلدى.

قۇرىلىس جۇمىستارى 2018 جىلى باستالىپ, نىسان ەكى كەزەڭمەن اياقتالعان. العاشقى ۇيلەر 2020 جىلدىڭ ناۋرىز ايىندا تاپسىرىلسا, ەكىنشى كەزەك وسى جولى جۇزەگە اسقان. جالپى العاندا, 40 مىڭنان استام شارشى مەتر تۇرعىن جاي پايدالانۋعا بە­رىلدى. مۇنداي جوبا بيىلدىڭ وزىن­دە قالانىڭ ءتورت جەرىندە جۇزەگە اسىپ جاتىر. كوپ قاباتتى ۇيدە 2-3 بول­مەلى بيزنەس كلاستاعى پاتەرلەر بار.

«بۇل كەشەن قۇرامالى كاركاس تاسىلىمەن سوعىلعان. ۇيگە قاجەتتى قۇرال­دار «وڭتۇستىك قۇرى­لىس سەرۆيس» جشس-ءنىڭ زاۋىتىندا جا­سال­­عان. ءبىرىن­شى كەزەڭدە پاتەرلەردى تولىق ءبى­تى­رىپ ساتتىق. ەكىنشى كەزەڭدە ارلەۋ جۇ­مىستارىن پاتەر يەسىنە قال­دىر­­دىق. ءۇيدىڭ سىرتى تابيعي تاس – ترا­­ۆەر­تينمەن قاپتالعان. جەكە كو­لىك­­تەرگە پاركينگ بار», دەيدى وڭتۇس­تىك قۇرىلىس سەرۆيس» جشس قارجى ديرەكتورى گۇلجان سىدىقوۆا.

پاتەرلەر 66-118 شارشى مەتر­دەن. ءار كىرەبەرىستە ليفت بار. تۇر­عىن­داردىڭ جەكە كولىكتەرىنە ارنا­يى پاركينگ جاسالعان. بۇل پاتەر­لەردىڭ 70 پايىزىن تۇرعىن ءۇي جي­ناق بانكىنىڭ سالىمشىلارى الدى. سالىمشىلار قۇرىلىس جۇمىستارى باستالماي تۇرىپ نەسيە راسىمدەگەن. وسى ارقىلى باسپاناعا نارىقتىق باعادان تومەن باعامەن قول جەتكىزگەن.

«وتباسى بانكتىڭ» شىمكەنت قالا­لىق فيليالى ديرەكتورىنىڭ ورىنباسارى نۇرلان سۇلتانوۆتىڭ ايتۋىنشا, زاماناۋي ۇلگىدەگى كوپ قاباتتى ءۇيدىڭ قۇرىلىس جۇمىستارى اياق­تالماي جاتىپ پاتەرلەر ساتىلىپ كەتكەن. دەمەك, قالادا ساپالى كوپ ­قا­باتتى تۇرعىن ۇيلەرگە دەگەن سۇرانىس ارتا تۇسۋدە دەگەن ءسوز.

ايتا كەتەرلىگى, شىمكەنتتىك قۇرىلىس كومپانيالارىنان بولەك, Bazis-A, Highvill, BI Group سىندى جەتەكشى كومپانيالار دا شىمكەنت نارىعىنا ەنە باستادى. ارينە بۇل ءوز كەزەگىندە قالاداعى پاتەر تاپ­شى­لىعىن ازايتۋعا, ەكىنشىدەن, تۇر­عىن ۇيلەردىڭ ساپاسىن كوتەرۋگە مۇم­كىندىك بەرمەك.

شىمكەنت