ەسىل اڭعارىنان اسىپ, قاۋىپ توندىرۋدە

وزەن جاعاسىنداعى ەلدى مەكەندەردى سۋ تاسقىنىنان امان الىپ قالۋ ءۇشىن اۋدانعا قاراعاندىداعى اسكەري بولىمنەن كومەك كەلدى.

ەسىل وزەنىنىڭ كەيبىر جاتاعان, جايپاق تۇستارى ارناسىنان اسىپ جاتىر. استانا سۋ قويماسىنداعى سۋدىڭ دەڭگەيى قالىپتى مولشەردەن ءسال جوعارى. №42 رازەزد ستانتسياسى مەن جىبەك جولى اۋىلىن وزەن جاعالاۋىنان اسىپ شىققان سۋ باسىپ قالۋ قاۋپى تۋىنداعان سوڭ ساقتىق شارالارى كۇشەيتىلدى. قازىر اپات ورىن الۋى مۇمكىن وڭىردە قۋاتتى تەحنيكالارمەن قارۋلانعان قۇتقارۋشىلار توبى تاۋلىك بويى جانتالاسىپ جۇمىس ىستەپ جاتىر.– سۋ قويماسىنان اعاتىن سۋ مولشەرىنىڭ كوبەيۋىنە بايلانىستى ازاماتتىق قورعانىس پولكىنەن 50 ادام, 3 تەحنيكا جىبەرىلدى. سونداي-اق, توتەنشە جاعدايلار دەپارتامەنتى اقمولا گورنيزونىنان 3 تەحنيكا, 4 سۋ سوراتىن قۇرىلعى, 30 ادام جۇمىلدىرىلدى, – دەيدى وبلىستىق توتەنشە جاعدايلار دەپارتامەنتىنىڭ باستىعى نۇرلان اتىعاەۆ.اۋدانداعى جەرگىلىكتى اتقارۋشى ورگان مەن قۇتقارۋشىلار بىلەك بىرىكتىرە وتىرىپ, 6550 قاپقا ينەرتتى ماتەريالدار تولتىرىپ قويدى. قاۋىپ پايدا بولعاننان بەرى 6720 تەكشە مەتر سۋ سورىلدى. وسى ارادا قىزمەتتى ۇيلەستىرۋ ءۇشىن ارنايى شتاب قۇرىلدى.ەسىلىپ اققان ەسىلدەن كەلەر قاۋىپتىڭ بەتىن قايتارۋ ءۇشىن بارلىق كۇش ورتاق ماقساتقا جۇمىلدىرىلۋدا.اقمولا وبلىسى,ارشالى اۋدانى.