ماڭعىستاۋ وبلىسى اكىمىنىڭ وكىمىمەن, قازاقستان رەسپۋبليكاسىنىڭ ءبىلىم مينيسترلىگىنىڭ كەلىسىمىمەن ماڭعىستاۋ وبلىسى ءبىلىم باسقارماسىنىڭ باسشىسى بولىپ تۇلەباەۆا سۆەتلانا دۇمبايقىزى تاعايىندالدى, دەپ حابارلايدى Egemen.kz ماڭعىستاۋ وبلىسى اكىمىنىڭ ءباسپاسوز قىزمەتىنە سىلتەمە جاساپ.
سۆەتلانا دۇمبايقىزى 1967 جىلى ماڭعىستاۋ وبلىسىندا تۋعان. ءبىلىمى جوعارى. 1988 جىلى س.م.كيروۆ اتىنداعى قازاق مەملەكەتتىك ۋنيۆەرسيتەتىن فيزيكا ءپانىنىڭ مۇعالىمى ماماندىعى بويىنشا بىتىرگەن. ەڭبەك جولىن 1988 جىلى جەتىباي اۋىلىندا №8 ورتا مەكتەپتىڭ فيزيكا ءپانى مۇعالىمى بولىپ باستاعان.
كەيىنگى جىلدارى اقتاۋ قالاسىنىڭ №24 مەكتەبىندە, ەكونوميكالىق ليتسەيدە فيزيكا ءپانىنىڭ مۇعالىمى, ەكونوميكالىق ليتسەي ديرەكتورىنىڭ تاربيە ءىسى جونىندەگى ورىنباسارى, ەكونوميكالىق ليتسەيدىڭ ديرەكتورى قىزمەتتەرىن اتقاردى.
2014 جىلدان وسى ۋاقىتقا دەيىن اقتاۋ قالاسى ءبىلىم ءبولىمىنىڭ باسشىسى لاۋازىمىندا بولدى.